स्वादिष्ट आलु, बोडी ,तामाको तरकारी बनाउने सजिलो तरिका
बाँसको तामाको तपाईं अचार, तरकारी वा सुप, के खानुहुन्छ ? जसरी खाए पनि यो स्वादिष्ट त हुन्छ नै यसले मानव स्वास्थ्यमा समेत फाइदा पुर्याउँछ । जाडोमा तामाको सुप खानु झनै फाइदाजनक छ ।
नेपालमा आलु–बोडी–तामाको तरकारी बढी प्रचलित छ ।
बनाउने सजिलो तरिका:
आवश्यक सामग्री :
उसिनेर टुक्रा बनाएको आलु– २५० ग्राम
कलिलो अमिलिएको तामा– १०० ग्राम
उसिनेको बोडी– १ कचौरी
अदुवा लसुनको पेष्ट– १ ठूलो चम्चा
सुकेको प्याज मझौला– २ दाना
तेल– डेढ ठूलो चम्चा
ज्वानो– १ चिम्टी
नुन खुर्सानी– आवश्यकताअनुसार
बेसार– १ चिया चम्चा
हरियो धनिया– १ सानो मुठा काटेको
जिराको धुलो– १ सानो चम्चा
बनाउने विधि :
–पेनमा तेल तताई ज्वानो फुराएर प्याज फ्राई गर्ने सुनौलो भएपछि बेसार राखेर आलु बोडी राख्ने र केही बेर फ्राई गर्ने ।
– माथिका धनिया बाहेक सबै मसला राखेर फ्राई गर्ने र थोरै पानी राख्ने ।
– केहीबेर पाकेपछि काटेको तामा राख्ने ईच्छाअनुसार रस राखी १५ मिनेट पकाउने र धनिया राखेपछि तैयार हुन्छ । तामाको तरकारीमा ज्वानो राखेमा रुगा, खोकी लाग्दैन जिउ पनि दुख्दैन ।
‘सजिलो कुकिङ’ पुस्तकबाट
बहुउपयोगी तामा : बनाउने विधि र फाइदा जानिराखौ