एउटा यस्तो विषालु भ्यागुता, जसको मुल्य नै पर्छ ३ लाख, जान्नुहाेस् 
भोलि र पर्सि बालबालिकालाई भिटामिन ए खुवाइदै 
खगराज अधिकारी गण्डकीको मुख्यमन्त्री नियुक्त 
सुनसरीमा दुवै पक्षबीच सहमति, कर्फ्यु खुकुलो हुदै 
स्टेफेनको शतकमा आयरल्याण्ड वोल्भ्सले नेपाल ए लाई दियो २८५ रनको लक्ष्य जङ्गलमा ३३ वर्ष पुस्तक विमोचन
काठमाडौैँ । वन्यजन्तु संरक्षणकर्मी तथा साहित्यकार केशवराज भेटवाल (धर्तीचन्द्र यात्री) को कृति ‘जङ्गलमा ३३ वर्ष’ पुस्तक विमोचन भएको छ ।
डा ठाकुरनाथ स्मृति गुठीद्वारा आज आयोजित कार्यक्रममा राष्ट्रिय निकुञ्ज तथा वन्यजन्तु संरक्षण विभागका महानिर्देशक डा महेश्वर ढकालले उक्त पुस्तक विमोचन गर्नुभयो । कार्यक्रममा महानिर्देशक ढकालले निबन्ध विधामा लेखिएको पुस्तकमा वन्यजन्तुमा लामो समयसम्म काम गरी अनुभवले खारिएका लेखकले जागिरे जीवनमा पनि समयको सदुपयोग गरी वन संरक्षणमा भोगेका यथार्थ अनुभव समेटेकाले हरेक कर्मचारीको लागि प्रेरणाको स्रोत बनेको बताउनुभयो ।
पुस्तकको समीक्षा गर्दै साहित्यकार सविना सिन्धुले पुस्तकमा प्रथम खण्डमा चिन्तन अनुसन्धानमा आधारित राष्ट्रिय निकुञ्जभित्रका रमणीयस्थल, वन, वन्यजन्तु विषय र द्वितीय खण्डमा जागिरे सिलसिलामा भोगेका यथार्थ अनुभवलाई समेटिएको जानकारी दिनुभयो ।
राष्ट्रिय निकुञ्जभित्रका यथार्थ भोगाइलाई उजागर गरी नितान्त जङ्गलको बसाइ र भोगाइ समेटिएका साथै विभिन्न स्थान, परिवेश, प्रकृति, वन्यजन्तु र व्यक्तिसँग साक्षात्कार हुँदाका यथार्थ र अनुभूतिलाई उजागर गरेको लेखक भेटवालले बताउनुभयो । उक्त पुस्तक अङ्ग्रेजी भाषामा पनि प्रकाशित गर्ने तयारीमा रहेको उहाँले जानकारी दिनुभयो ।
यो खबर पढेर तपाईलाई कस्तो महसुस भयो ?
