बागदेव दुग्ध उत्पादक सहकारी संस्थाले बिना धितो कर्जा लगानी गर्दै
-रञ्जन यादव
बारा । बाराको निजगढस्थित बागदेव दुद्य उत्पादक सहकारी संस्थामा आबद्ध कृषकहरु बिना धितो पाँच करोड ८८ लाखसम्म ऋण पाउने भएका छन् ।
सहकारीले बिभिन्न बैंकहरुको सहकार्यमा सहुलीयत दरमा पशु ब्यवसाय कर्जा वापत आफ्ना सदस्यहरुको लागि ऋण प्रबाह गर्न लागेको हो ।
सहकारीले हिमालयन बंैक, सनराइज बैंक र नेपाल इन्भेस्टमेन्ट बैंकको निजगढ शाखासँगको सहकार्यमा बिना धितो दुद्यालु पशु खरिद गर्न गर्न ऋण प्रदान गर्ने जनाएको छ ।
सस्थाको १२ वटै दुग्ध सङ्कलन केन्द्रमा आबद्ध सदस्यहरुको पहिलो चरणमा २०० जना कृषकहरुको सिफारिस गरिएको बागदेव दुद्य उत्पादक सहकारी संस्थाले जनाएको छ ।
बिना धितो सहुलीयत ब्याज दरमा प्रत्येक कृषकलाई दुधालु पशु खरिद गर्न रु ५ करोड ८८ लाख ऋण प्रवाहका लागि दुई सय जनाको सिफारिस गरिएको संस्थाका अध्यक्ष थानेश्वर सापकोटाले जानकारी दिनुभयो ।
व्यवसायिक रुपमा पशुपालन गर्न चाहने सम्पुर्ण कृषक सदस्यहरुले यो सुबिधा पाउने अध्यक्ष सापकोटाले बताउनुभयो ।
संस्थाले महिलालाई ५ देखि ५.५ प्रतिशतमा र पुरुषलाई ५.५ प्रतिशतदेखि ६.५ प्रतिशत ब्याजदरमा ऋण उपलब्ध गराइरहेको बागदेव दुद्य उत्पादक सहकारी संस्थाका अध्यक्ष सापकोटाले बताउनुभयो ।
बागदेव दुद्य उत्पादक सहकारी संस्थामा एक हजार सात सय ९१ जना शेयर सदस्यहरु आबद्ध रहेका छन् । –रेडियो नेपाल