आजको मौसम: देशका अधिकांश स्थानमा वर्षाको सम्भावना
काठमाडौँ: नेपालमा हाल मनसुनी न्यून चापिय रेखा तराई भू-भाग नजिक रहेको मौसम पुर्वानुमान महाशाखाले जनाएको छ ।
मनसुनी न्यून चापीय रेखाको प्रभावका कारण अहिले देशभर सामान्य देखि पूर्ण बदली रही प्रदेश २, बागमती प्रदेश र गण्डकी प्रदेशका केही स्थानहरूमा मेघ गर्जन चट्याङ्गसहित हल्का देखि मध्यम वर्षा भइरहेको छ ।
बाँकी प्रदेशका थोरै स्थानमा हल्का वर्षा भईरहेको छ। आज देशका अधिकांश स्थानहरुमा सामान्यदेखि पूर्ण बदली रही धेरै स्थानहरुमा हल्कादेखि मध्यम वर्षाको सम्भावना रहेको छ ।
प्रदेश नं १, बागमती प्रदेश, गण्डकी प्रदेश, लुम्बिनी प्रदेश र सुदुरपश्चिम प्रदेशका एक-दुई स्थानहरुमा मेघ गर्जनरचट्याङ्गसहित भारी वर्षाको सम्भावना रहेको छ ।