दिल्लीको होटलमा बसेर क्यानडा र अमेरिकामा मानव तस्करी 
अनलाइन जुवा खेलाएर काभ्रेका अनिलले गरे दुई अर्बको कारोबार 
मुख्यमन्त्री सोडारीले विश्वासको मत लिन सुदूरपश्चिमको प्रदेश सभा बैठक आव्हान 
अफगानिस्तानमा बाढीबाट ३१५ भन्दा बढीको मृत्यु 
सुँगुरको मिर्गौला प्रत्यारोपण गरिएका रिचर्डको निधन बिरुवा बिक्री नहुँदा ठूलो लगानीका नर्सरी किसान चिन्तित
रुकुम : यसवर्ष रुकुम पश्चिमका व्यावसायिक किसानले उत्पादन गरेका बिरुवा बिक्री नहुँदा ठूलो लगानीका नर्सरी किसान चिन्तित बनेका छन् । विभिन्न प्रजातीका गैरकाष्ठ तथा नर्सरीजन्य बोट बिरुवा नर्सरी फार्ममै थन्किएकाले किसान चिन्तित बनेका हुन् ।
हरेक वर्ष मनसुन सुरु भएसँगै नर्सरीजन्य बोट बिरुवाको उच्च माग र बिक्री प्रक्रिया सुरु हुने गर्दछ । किसानको मागका आधारमा स्थानीय सरकार र सरोकारवाला निकायले समेत बर्खे बिरुवा खरिद र वितरण कार्यलाई सुरु गर्दछन् । तर रुकुम पश्चिममा यो वर्ष लाखौं रकम खर्चेर व्यावसायिक नर्सरी खेती गर्दै आएका किसानले भने जिल्लाका कृषिसँग सम्बन्धित सरोकारवाला निकायले बेवास्ता गरेको बताउँदै आएका छन् । स्थानीय उत्पादनलाई ख्यालै नगरी बाहिरी जिल्लाबाट नर्सरी बिरुवा खरिद गरिएकै कारण आफूहरु मारमा परेको नर्सरी किसान नरेन्द्र रानाको भनाइ छ ।
मुसिकोट नगरपालिका–५, सेरीगाउँमा ३५ रोपनी जमिनमा सुवास नर्सरी फार्म सञ्चालन गरेका रानाले ८० हजार भन्दाबढी टिमुरका बिरुवालगायत अन्य प्रजातीका बिरुवा नर्सरीमै थन्किंदा ठूलो घाटा व्यहोर्नुपरेको बताए । रानाजस्तै जिल्लाका विभिन्न स्थानमा लाखौं रकम खर्चेर व्यावसायिक नर्सरी खेती गरेका अन्य किसानले पनि यसवर्ष नर्सरी बिरुवा बिक्री नभएपचि चिन्तित बनेका हुन् ।
यता नर्सरी किसानको गुनासो आइरहँदा जिल्ला स्थित डिभिजन वन, कृषि विकास, विभिन्न परियोजना र स्थानीय तहले पनि केही बिरुवा जिल्ला बाहिरबाट खरिद गरेका छन् । मुसिकोट नगरपालिका प्रमुख प्रशासकीय अधिकृत नरहरी तिवारीले भने नर्सरी किसानले बिरुवाको जात नखुलाउँदा र सम्बन्धित निकायलाई लिखित आग्रह नगर्दा बिरुवा बिक्रीमा समस्या देखिएको बताउँछन् ।
रुकुम पश्चिमका ६ वटै पालिकाले हरेक वर्षको नीति तथा कार्यक्रममा कृषि क्षेत्रलाई पहिलो प्राथमिकतामा समेट्दै आएका छन् । तर यो वर्ष स्थानीय उत्पादनभन्दा बाहिरबाट बिरुवा खरिद गरिएकाले जिल्लाका नर्सरी व्यवसायी मारमा परेका हुन् । जिल्लाभर २० भन्दा बढी नर्सरी फार्म कानुनी रुपमा दर्ता भई सञ्चालनमा रहेका छन् ।
यो खबर पढेर तपाईलाई कस्तो महसुस भयो ?
