म्याग्दीमा बेमौसमी वर्षाका कारण दुई सय हेक्टर धानबालीमा क्षति

म्याग्दी : म्याग्दीमा बेमौसमी वर्षा र हावाहुरीका कारण दुई सय हेक्टर क्षेत्रफलमा गरिएको धानबालीमा क्षति पुगेको छ । गत असोज ३१ गते रातिदेखि भएको वर्षा र हावाहुरीका कारण पानीले भिजेर र हावाहुरीले धानका बोट ढलाएर धान बालीमा क्षति पुगेको हो ।

जिल्लाको लेकाली क्षेत्रमा काटेर खेतमा सुकाएको धान पाँच दिनसम्मको लगातारको वर्षाले भिजेर खेतमै धानको दाना झरेको कृषि ज्ञान केन्द्र म्याग्दीले जनाएको छ ।

तल्लो क्षेत्रमा पाक्ने लागेका धानको बोट हावाहुरीले ढलाएपछि दाना पोटिलो नहुनुका साथै खेतमै दाना झरेकाले उत्पादन कम हुने देखिएको छ । जिल्लाभर तीन हजार ८ सय ९२ हेक्टर क्षेत्रफलमा धान खेती हुन्छ । गत वर्ष १३ हजार ६ सय २६ मेट्रिक टन धान उत्पादन भएकोमा यस धान भित्र्याउने समयमा भएको मौसमी प्रतिकुलताका कारण उत्पादन घट्ने भएको छ ।

लेखक

कृषि सूचना

यो खबर पढेर तपाईलाई कस्तो महसुस भयो ?

खुसी

0 0 %

दुःख

0 0 %

उत्साहीत

0 0 %

निन्द्रा लाग्यो

0 0 %

रिस उठ्यो

0 0 %

अचम्म

0 0 %

सम्बन्धित खबर:

मतदान गर्दै खेतमा पुगे कृषक कञ्चनपुरका किसानलाई धान काट्न चटारो जङ्गली हात्तीको बथानले धानबालीमा नोक्सनी तनहुँका १७८ घरपरिवार उच्च जोखिममा, मकै खेती र धानबालीमा पूर्ण क्षति