दिल्लीको होटलमा बसेर क्यानडा र अमेरिकामा मानव तस्करी 
अनलाइन जुवा खेलाएर काभ्रेका अनिलले गरे दुई अर्बको कारोबार 
मुख्यमन्त्री सोडारीले विश्वासको मत लिन सुदूरपश्चिमको प्रदेश सभा बैठक आव्हान 
अफगानिस्तानमा बाढीबाट ३१५ भन्दा बढीको मृत्यु 
सुँगुरको मिर्गौला प्रत्यारोपण गरिएका रिचर्डको निधन ‘एक घर एक बगैँचा’ कार्यक्रम : कृषकलाई स्याउका बिरुवा वितरण
सिमकोट: हुम्लाको उत्तरी नाम्खा गाउँपालिकाले स्थानीय कृषकलाई स्याउका बिरुवा वितरण गरेको छ ।
जुम्लाबाट हवाईजहाजमार्फत स्याउका बिरुवा जिल्लामा पु¥याएपछि वितरण गर्न सुरु गरिएको हो । पैदल मार्गबाट ल्याउन सम्भव नभएपछि जुम्लाबाट नेपालगञ्ज र नेपालगञ्जबाट सिमकोट हवाई मार्गबाट बिरुवा दोहोरो हवाई भाडा तिरेर ल्याइएको गाउँपालिकाका लेखाप्रमुख अश्विनीकुमार देवकोटाले जानकारी दिए । गाउँपालिकाले चालु आर्थिक वर्षको फलफूल तथा कृषि विस्तारको ‘एक घर एक बगैँचा’ कार्यक्रमअन्तर्गत साढे १२ हजार स्याउका बिरुवा खरिद गरेर ढुवानी गरेपश्चात् कृषकलाई वितरण सुरु गरिएको उनको भनाइ थियो ।
स्याउका विरुवा जिल्लामा पुगेसँगै गाउँपालिकाले वडा नं ६ बाहेक १ देखि ५ सम्मका वडाका बासिन्दालाई ती बिरुवा वितरण गर्न थालेकोे हो । रेड, रोयल डेलिसियस, गोल्डेन र जनार्थन जातका स्याउका बिरुवा प्रतिबोट रु ७७ दरले खरिद गरिएकोे लेखा प्रमुख देवकोटाले बताए । सेवाप्रदायक निकायले स्याउमा लगानी गरिएको बजेटको ६० प्रतिशतभन्दा बढी ढुवानीमा लगानी गर्न बाध्य भएको जनाएका छन् । त्यसैगरी सिमकोट, खार्पुनाथ, कृषि विकास कार्यालय र स्याउ जोन कार्यक्रमले पनि स्याउ र ओखरका बिरुवा हवाई मार्गबाटै ढुवानी गरेर ल्याउने गरेको छ । रासस
यो खबर पढेर तपाईलाई कस्तो महसुस भयो ?
