दिल्लीको होटलमा बसेर क्यानडा र अमेरिकामा मानव तस्करी 
अनलाइन जुवा खेलाएर काभ्रेका अनिलले गरे दुई अर्बको कारोबार 
मुख्यमन्त्री सोडारीले विश्वासको मत लिन सुदूरपश्चिमको प्रदेश सभा बैठक आव्हान 
अफगानिस्तानमा बाढीबाट ३१५ भन्दा बढीको मृत्यु 
सुँगुरको मिर्गौला प्रत्यारोपण गरिएका रिचर्डको निधन सामूहिक केरा खेती गर्ने कृषक समूहलाई अनुदानमा पिकअप
झापा: झापामा प्रधानमन्त्री कृषि आधुनिकीकरण परियोजना अन्तर्गत सामूहिक केरा खेती गर्दै आएको कृषक समूहलाई प्रदेश नं. १ सरकारले मालवाहक गाडी (पिकअप) अनुदानमा उपलब्ध गराएको छ ।
सामूहिक खेती गर्दै आएका कृषकलाई प्रोत्साहन गर्ने उद्देश्यले झापा गाउँपालिका–३ रङ्गेथानस्थित साधना सांस्कृतिक नमूना कृषक समूहलाई पिकअप प्रदान गरिएको हो ।
कृषि ज्ञान केन्द्र झापामार्फत ८५ प्रतिशत अनुदान र समूहको १५ प्रतिशत लागत सहभागितामा पिकअप प्रदान गरिएको कृषि ज्ञान केन्द्र झापाका प्रमुख नीलकमल सिंहले जानकारी दिनुभयो । रू २३ लाख ६० हजारको पिकअप प्रदेश सरकारका कृषि मन्त्री झलकसिंह दर्लामीले आइतबार हस्तान्तरण गर्नुभएको थियो ।
झापा–३ मा १४ जना कृषकले १०५ हेक्टर क्षेत्रफलमा सामूहिक केरा खेती गरिरहेका छन् । केरा ढुवानीका लागि आफ्नै साधन नहुँदा उत्पादित केरा बिक्री–वितरणमा समस्या भइरहेकोमा अब त्यस्तो समस्या नरहने कृषक चन्द्र बस्नेतले बताउनुभयो । बस्नेत केरा खेतीका लागि इजरायलमा साना किसान कृषि सहकारीमार्फत तालिम लिई हाल सामूहिक केरा खेती गर्दै आउनुभएको छ ।
कृषि मन्त्री मगरले कृषिमार्फत देशलाई आत्मनिर्भर बनाउन सरकार लागि परेको बताउनुभयो । मेहनती कृषकको साथमा सरकार रहेको भन्दै उहाँले कृषकलाई प्रविधिमैत्री र स्रोत साधनयुक्त बनाउन प्रदेश सरकार लागिपरेको बताउनुभयो ।
यो खबर पढेर तपाईलाई कस्तो महसुस भयो ?
