दिल्लीको होटलमा बसेर क्यानडा र अमेरिकामा मानव तस्करी 
अनलाइन जुवा खेलाएर काभ्रेका अनिलले गरे दुई अर्बको कारोबार 
मुख्यमन्त्री सोडारीले विश्वासको मत लिन सुदूरपश्चिमको प्रदेश सभा बैठक आव्हान 
अफगानिस्तानमा बाढीबाट ३१५ भन्दा बढीको मृत्यु 
सुँगुरको मिर्गौला प्रत्यारोपण गरिएका रिचर्डको निधन रामपुरमा अव्यवस्थित जग्गाधनीलाई पुर्जा वितरण सुरु
रामपुर:अव्यवस्थित रुपमा बसेका पाल्पाको रामपुरवासीलाई जग्गाधनी पुर्जा वितरण सुरु गरिएको छ । लामो समयसम्म तत्कालीन गाउँ पञ्चायत, वडा तथा विद्यालयले बिक्री गरेको जग्गामा बसोबास गर्दै आएका यहाँका स्थानीयले जग्गाधनी पुर्जा प्राप्त गरेका छन् ।
राष्ट्रिय भूमि आयोगले २०२८÷२९ देखि रसिदमा जग्गा किनेर भोगचलन गर्दै आएका अव्यवस्थित बसोबास गरेकालाई करिब पाँच दशकपछि जग्गाधनी पुर्जा उपलब्ध गराएको छ । लामो समयदेखि पुर्जाको प्रतीक्षामा रहेका अव्यवस्थित बसोबासीलाई राष्ट्रिय भूमि आयोग जिल्ला समिति पाल्पाले रामपुर नगरपालिकाको समन्वयमा शुक्रबारदेखि पुर्जा वितरण कार्य सुरु गरेको छ ।
पहिलो चरणमा तीन सय ७७ घरघडेरीको राजस्व तिर्ने प्रक्रियामा पुगे पनि तीन सय एकको सर्जमिन भएको राष्ट्रिय भूमि आयोग जिल्ला समितिका अध्यक्ष मोहनलाल गैरेले बताउनुभयो । उहाँले सर्जमिन भएकामध्ये दुई सय बढीले राजस्व बुझाएको, एक सय ७३ को फोटो टाँस्ने काम सकिएको छ भने एक सय तीन जग्गाधनीलाई पुर्जा वितरण गरिएको छ । उहाँका अनुसार प्रक्रिया पूरा भएका सबैको क्रमशः वितरण हुने र गठबन्धन सरकार यथावत् रहेमा अबको आठ महिनाभित्र अव्यवस्थित बसोबासीलाई पुर्जा वितरण कार्य सम्पन्न गरिनेछ ।
राष्ट्रिय भूमि आयोगका केन्द्रीय अध्यक्ष केशव निरौलाले जग्गाधनी पुर्जा वितरण गर्दै भूमिको समस्या समाधान आयोग र स्थानीय सरकार मिलेर मात्र सम्भव रहेको बताउनुभयो । आयोगले आफ्नो भूमिका नखोजी स्थानीय सरकारसँगै हातेमालो गरेर अघि बढेको उहाँले जानकारी गराउनुभयो ।
रामपुर गाउँ पञ्चायतले पूर्वाधार निर्माण तथा सामाजिक कार्यका लागि र हालको रामतुलसी मावि, दरैठाँटी मावि, आधारभूत मावि, नवदुर्गा मावि लगायतका विद्यालयले विद्यालय सञ्चालन गर्न तत्कालीन समयमा बिक्री गरेको जग्गामा बसोबास हुँदै आएको हो । विसं २०५५ सम्ममा बिक्री वितरण भएका रामपुर–५, ६ र ७ का सात सय ८३ घडेरीमध्ये पहिलो चरणमा एक सय तीन जनालाई पुर्जा वितरण गरिएको हो ।
लामो समयसम्म समस्याका रुपमा रहेको अव्यवस्थित घरघडेरीलाई जग्गाधनी पुर्जा दिलाउन सफल भएको नगरपालिकाका प्रमुख रमणबहादुर थापाले बताउनुभयो । प्रक्रियामा रहेका सबैलाई जग्गाधनी पुर्जा उपलब्ध गराइने नगरप्रमुख थापा बताउनुहुन्छ । वर्षौंदेखि पुर्जाविहीन बनेका स्थानीय पुर्जा वितरणसँगै खुसी भएका छन् ।
रामपुरको मुख्य बजार, बेझाँड बजार, किसानबारी, विजयपुर, तिलकपुर क्षेत्रमा गाउँ पञ्चायत, वडा तथा विद्यालयले बिक्री गरेको जग्गा पाँच दशकदेखि स्थानीयले रसिदको भरमा भोगचलन गर्दै आइरहेका थिए । लामो समयको पर्खाइपश्चात् जग्गाधनी पुर्जा प्राप्त गर्न पाउँदा खुसी लागेको स्थानीय विन्दु श्रेष्ठले बताउनुभयो ।
यो खबर पढेर तपाईलाई कस्तो महसुस भयो ?
