दिल्लीको होटलमा बसेर क्यानडा र अमेरिकामा मानव तस्करी 
अनलाइन जुवा खेलाएर काभ्रेका अनिलले गरे दुई अर्बको कारोबार 
मुख्यमन्त्री सोडारीले विश्वासको मत लिन सुदूरपश्चिमको प्रदेश सभा बैठक आव्हान 
अफगानिस्तानमा बाढीबाट ३१५ भन्दा बढीको मृत्यु 
सुँगुरको मिर्गौला प्रत्यारोपण गरिएका रिचर्डको निधन छाडा चौपाया व्यवस्थापन गर्न सहकार्य
कञ्चनपुर:छाडा चौपाया व्यवस्थापन गर्नका लागि कञ्चनपुरका दुई पालिकाले सहकार्य गर्ने भएका छन् । कृष्णपुर नगरपालिकाका प्रमुख हेमराज ओझा र लालझाडी गाउँपालिकाका अध्यक्ष निर्मल रानाबीच सोमबार सहकार्य गरेर अगाडि बढ्ने सहमति भएको हो ।
दुवै पालिकाको सीमा जोडिएका कृष्णपुर नगरपालिका वडा नं ३ र लालझाडी गाउँपालिका वडा नं ५ मा छाडा पशु व्यवस्थापनको कार्य संयुक्तरूपमा गर्नेबारे छलफल भएको छ । छलफलमा दुवै पालिकाका प्रमुखले छाडा चौपाया व्यवस्थापनका लागि संयुक्तरूपमा खर्च व्यहोर्ने प्रतिबद्धता गरेका छन् ।
छाडा चौपायासँगै अन्य विकाससँग सम्बन्धित विषयमा सहकार्य गरेर अगाडि बढ्ने छलफलको निष्कर्ष रहेको लालझाडीका अध्यक्ष रानाले बताउनुभयो । “दुवै पालिकामा छाडा चौपायाको समस्या रहेको छ”, उहाँले भन्नुभयो, “कसरी सहकार्य गरेर अगाडि बढ्न सकिन्छ भनेर छलफल गरेका हौँ, दुवै पालिकाले खर्च व्यहोर्ने गरी छाडा चौपाया व्यवस्थापनका लागि काम अगाडि बढाउँछौँ ।” कृष्णपुरले वडा–वडामा अस्थायीरूपमा छाडा चौपाया व्यवस्थापन गरेको छ ।
छलफल कार्यक्रममा कृष्णपुर नगरपालिकाका प्रमुख प्रशासकीय अधिकृत शिवसिंह भण्डारी, सूचना अधिकारी प्रेम बोगटी, लालझाडी –५ का अध्यक्ष पहलबहादुर थापाको सहभागिता रहेको थियो । कञ्चनपुरमा शुक्लाफाँटा नगरपालिकाले मात्रै स्थायीरूपमा व्यवस्थित गौशाला निर्माण गरी छाडा चौपाया व्यवस्थापन गरेको छ ।
बेदकोट नगरपालिकाले कार्यालय नजिकै खुला आकाशमा छाडा चौपायालाई अस्थायीरूपमा राखेको छ । भीमदत्त नगरपालिकाले छाडा चौपाया व्यवस्थापनका लागि कार्यदल गठन गरी जग्गा खोजीकार्य अगाडि बढाएको छ ।
यो खबर पढेर तपाईलाई कस्तो महसुस भयो ?
