एउटा यस्तो विषालु भ्यागुता, जसको मुल्य नै पर्छ ३ लाख, जान्नुहाेस् 
भोलि र पर्सि बालबालिकालाई भिटामिन ए खुवाइदै 
खगराज अधिकारी गण्डकीको मुख्यमन्त्री नियुक्त 
सुनसरीमा दुवै पक्षबीच सहमति, कर्फ्यु खुकुलो हुदै 
स्टेफेनको शतकमा आयरल्याण्ड वोल्भ्सले नेपाल ए लाई दियो २८५ रनको लक्ष्य अलैँचीखेती विस्तारसँगैँ गाउँमै फर्कायो विद्यार्थी
लमजुङ: गाउँघरका मानिस सहर पसेसँगैँ खाली जस्तै भएको मस्र्याङ्दी गाउँपालिकाको एक विद्यालयमा विद्यार्थी आउँन थालेका छन् ।
मस्र्याङ्दी गाउँपालिका–७ छिनखोलाका स्थानीयको सक्रियतामा गाउँमा अलैँचीखेती विस्तारसँगैँ गाउँमै रहेको सिर्जना प्राथमिक विद्यालयमा विद्यार्थीको सङ्ख्या बढ्न थालेको हो ।
कक्षा १ देखि तीनसम्मको उक्त विद्यालयमा विस्तारै विद्यार्थी सङ्ख्यामा वृद्धि भएको छ । गतवर्ष चार मात्र विद्यार्थी रहेको सिर्जना प्राविमा यो वर्ष १४ विद्यार्थी नियमित विद्यालयमा आउने गरेको विद्यालयमा प्रधानाध्यापक नौजग गुरुङले बताउनुभयो । ‘गाउँका प्रत्येक घरमा पानीको धारा जडान गरिएको छ । मोटरबाटो घर छेउमै छ । अलैँचीबाट राम्रो आम्दानी भएको छ । उहाँले भन्नुभयो, “शहरकै सुविधा गाउँमा भएपछि शहरबाट गाउँमा फर्केर बालबच्चा पढाउन थालेका छन् ।”
अलैँचीबाट मनग्य आम्दानी हुन थालेपछि स्थानीयवासीले आफ्ना बालबच्चालाई शहर पढाउन थालेका थिए । गाउँ छेवैको विद्यालय अन्यत्र जाँदा पछिलो समय गाउँमा समस्या हुने भन्दैँ शहरमा झरेकाले आफ्ना बच्चालाई गाउँमै पढाउन थालेका हुन् ।
प्रधानाध्यापक गुरुङका अनुसार विद्यालयले स्थानीयसँग पटक÷पटक अनुरोध गरेपछि बजारमा बस्ने गरेका अभिभावकले पुनःगाउँकै विद्यालयमा बालबच्चा पढाउँन थालेका हुन् । स्थानीय शान्तीमाया तामाङले गाउँको स्कुल शून्य भएपछि स्कुल जोगाउनुपर्छ, भन्ने सोचले छोरीलाई गाउँमै फर्काएको बताउनुभयो । ‘जिल्ला सदरमुकाममा बोर्डिङ स्कुलमा पढने गरेको छोरीलाई गाउँकै विद्यालयमा पढाउँन थालेको छु ।
उहाँले भन्नुभयो,“अर्काे वर्ष बजार पसेका गाउँका सबै बच्चालाई गाउँ फर्काउछौँ ।” विद्यालय व्यवस्थापन समितिका अध्यक्ष चित्रिमाया तामाङले गाउँलेलाई जुटाएर विद्यालय गाभिनबाट जोगाउँन शहरमा रहेका बालबच्चालाई गाउँकै विद्यालयमा फर्काउन अनुरोध गरेको बताउनुभयो ।
गत वर्ष विद्यालयमा कक्षा १ मा तीन, दुईमा एक र ३ कक्षामा विद्यार्थी नै थिएनन् । अहिले बाल विकासमा १०, कक्षा एकमा ४, दुईमा १ र तीनमा १ विद्यार्थी छन् । कार्यालय सहयोगी र सरकारी दरबन्दीका दुई शिक्षक गरी तीन कर्मचारी छन् ।कूल ५२ घरधुरीको छिनखोला गाउँका करीब ३५ घरधुरीका मानिस मात्रै गाउँमै बसोवास गर्ने गरेका छन् । बाँकी शहर जाने र समय–समयमा फर्कने गर्छन् । गाउँका सबै बालबालिकालाई गाउँमै ल्याएर पढाउने वातावरण बनाउने लक्ष्य रहेको विद्यालयका प्रअ गुरुङले बताउनुभयो ।
')}
यो खबर पढेर तपाईलाई कस्तो महसुस भयो ?
