एउटा यस्तो विषालु भ्यागुता, जसको मुल्य नै पर्छ ३ लाख, जान्नुहाेस् 
भोलि र पर्सि बालबालिकालाई भिटामिन ए खुवाइदै 
खगराज अधिकारी गण्डकीको मुख्यमन्त्री नियुक्त 
सुनसरीमा दुवै पक्षबीच सहमति, कर्फ्यु खुकुलो हुदै 
स्टेफेनको शतकमा आयरल्याण्ड वोल्भ्सले नेपाल ए लाई दियो २८५ रनको लक्ष्य रुब्दी–गोखुङ्गा सडक खण्ड निर्माण गरिँदै
अर्घाखाँची, मदन भण्डारी लोकमार्गअन्तर्गत अर्घाखाँचीको रुब्दी–गोखुङ्गा सडक खण्ड निर्माण अघि बढाइएको छ । सन्धिखर्क नगरपालिका–१० रुब्दीदेखि पोखेडाडा, भण्डार, रतनमारे हँुदै मालारानी गाउँपालिकाको गोखुङ्गासम्मको २७ दशमलव छ किलोमिटर सडक निर्माण गर्न लागिएको हो ।
मदन भण्डारी लोकमार्गका प्रमुख इन्जिनियर सशांक मिश्रका अनुसार उक्त सडक खण्ड निर्माण सम्पन्न भए सन्धिखर्क नगरपालिका, मालारानी गाउँपालिका, प्युठानको झिमरुक गाउँपालिका र गुल्मीको मदाने गाउँपालिकाका बासिन्दा लाभान्वित हुनेछन् । मदन भण्डारी लोकमार्ग गुल्मी, पाल्पा र स्याङ्जाको सङ्गमस्थल रिडीबाट बल्कोट, अर्घा, रतनमारे, गोखुङ्गा हँुदै प्युठान, रोल्पा भएर सुर्खेत पुग्ने छ ।
सडक निर्माणका लागि श्रेष्ठ कन्स्ट्रक्सन प्रालीसित रू एक अर्ब नौ करोडको सम्झौता भएको सो लोकमार्गका सूचना अधिकारी इन्जिनियर विरेन्द्रप्रसाद गुप्ताले जानकारी दिनुभयो । सडकको चौडाइ ११ मिटर हुनेछ । हाल रिडीबाट गुल्मीको खज्र्यांग हुँदै अर्घाखाँचीको बल्कोटसम्म सडक निर्माण भइरहेको छ । सडक निर्माणसँगै सदरमुकाम सन्धिखर्क बजार पनि विस्तार गरिने छ ।
यो खबर पढेर तपाईलाई कस्तो महसुस भयो ?
