दिल्लीको होटलमा बसेर क्यानडा र अमेरिकामा मानव तस्करी 
अनलाइन जुवा खेलाएर काभ्रेका अनिलले गरे दुई अर्बको कारोबार 
मुख्यमन्त्री सोडारीले विश्वासको मत लिन सुदूरपश्चिमको प्रदेश सभा बैठक आव्हान 
अफगानिस्तानमा बाढीबाट ३१५ भन्दा बढीको मृत्यु 
सुँगुरको मिर्गौला प्रत्यारोपण गरिएका रिचर्डको निधन पाक्न थाल्यो स्याउ उत्पादन भने घट्ने
नेत्र शाही
जुम्ला । जुम्लामा स्याउ पाक्न थालेको छ । जुम्लामा कोरोनाको कहरले निषेधाज्ञा भए पनि गाउँका किसान स्याउ टिप्न र संरक्षणमा व्यस्त छन् । तर निषेधाज्ञाले आवत जावत ठप्प भएकाले बजारमा स्याउ देखिएको छैन ।
कृषि विकास कार्यालय जुम्लाले पनि भदौ १० गतेबाट मात्र स्याउ टिप्ने अनुमति दिएको छ । किसानले अघि पाक्ने स्याउ टिप्न सुरु गरेको जनाएका छन् । पछौटे स्याउ पनि पाक्ने क्रम बढ्दै रहेको किसानले बताएका छन् ।
स्याउ सुपरजोन कार्यालय जुम्लाका प्रमुख नवराज भण्डारीका अनुसार दिन प्रतिदिन जुम्लाको स्याउले दिन प्रतिदिन अहिले रङ बढिरहेको छ । जति बढी रङ आयो त्यति नै बढी रसिलो र मीठा हुँदै उहाँको भनाइ छ ।
यस सिजनमा जुम्लामा १२ हजार मेट्रिक टन स्याउ फल्ने पूर्वानुमान गरिए पाँच हजार एक सय मेट्रिक टन मात्र स्याउ फल्ने संशोधित अनुमान छ । स्याउमा फल कम लागेका कारण किसानलाई ठूलो घाटासमेत हुने भएको छ ।
जिल्लाको आधाभन्दा बढी क्षेत्रमा स्याउ फुल्ने समयमा तुसारो लागेपछि फल नलागेको जिल्ला कृषि विकास कार्यालयका प्रमुख बालाकराम देवकोटाले जानकारी दिनुभयो । उहाँका अनुसार असिनाका कारणसमेत केही प्रभाव पा¥यो, अनि केही स्थानमा एक वर्ष फल्ने र अर्को वर्ष नफल्ने भएपछि यस्तो समस्या आएको हो ।
कृषि कार्यालयका अनुसार जुम्लामा विभिन्न १२ जातका स्याउ खेती हुने गरेको छ । यस वर्ष फुजी स्याउमा राम्रो फल लागेको छ । -गोरखापत्र अनलाइन
यो खबर पढेर तपाईलाई कस्तो महसुस भयो ?
