दिल्लीको होटलमा बसेर क्यानडा र अमेरिकामा मानव तस्करी 
अनलाइन जुवा खेलाएर काभ्रेका अनिलले गरे दुई अर्बको कारोबार 
मुख्यमन्त्री सोडारीले विश्वासको मत लिन सुदूरपश्चिमको प्रदेश सभा बैठक आव्हान 
अफगानिस्तानमा बाढीबाट ३१५ भन्दा बढीको मृत्यु 
सुँगुरको मिर्गौला प्रत्यारोपण गरिएका रिचर्डको निधन दशैंमा अनलाइनबाटै च्याङ्ग्रा र खसी
काठमाडौँ। दशैँ, तिहार र छठलगायतका पर्वलाई लक्षित गरेर सरकारले बिहीबारदेखि सहुलियत मूल्य पसल सञ्चालन गरेको छ । चाडपर्वमा उपभोक्तालाई राहत दिने उद्देश्यले सरकारले हरेक वर्ष यस्ता सहुलियत मूल्य पसल सञ्चालनमा ल्याएको हो ।
उद्योग, वाणिज्य तथा आपूर्ति मन्त्रालयअन्तर्गतका खाद्य व्यवस्था तथा व्यापार कम्पनी, साल्ट ट्रेडिङ र दुग्ध विकास संस्थानले उपत्यकासहित देशका विभिन्न भागमा सहुलियत मूल्य पसल सञ्चालन गरेका छन् । यो वर्ष उपत्यका र सुर्खेतका उपभोक्ताका लागि खाद्य व्यवस्था तथा व्यापार कम्पनीले चामल, दाल, गेडागुडी, तेललगायतका खाद्यवस्तु अनलाइनबाट खरिद गर्न सकिने थप व्यवस्था गरेको छ ।
खाद्य कम्पनीका प्रमुख कार्यकारी अधिकृत नेत्रप्रसाद सुवेदीले कम्पनीले उपत्यकामा पाँच स्थान र उपत्यकाबाहिर २४ स्थान गरी २९ स्थानमा सहुलियत मूल्य पसल सञ्चालन गरेको र उपत्यका र सुर्खेतमा यी सामान अनलाइन अर्डरबाट घरघर पु¥याइने जानकारी दिनुभयो ।उहाँले ग्राहकलाई सहज होस् भनेर कम्पनीले उपत्यकामा बिक्री गर्ने च्याङ्ग्रा र खसीबोका पनि अनलाइनबाट बिक्री गर्नेगरी तयारी भएको जानकारी दिनुभयो । खसीबोका अनलाइनबाट बिक्री गर्न हामीलाई त कुनै समस्या छैन । ग्राहकलाई चित्त बुझाउन सकिँदैन कि भन्ने हो, सकेसम्म यो सेवा पनि अनलाइनमार्फत नै गर्नुपर्छ भन्ने हो, उहाँले भन्नुभयो ।
खाद्य कम्पनीले बिक्री गर्ने सामानमा प्रतिकेजी पाँच रुपियाँदेखि १० रुपियाँसम्म छुटको व्यवस्था गरेको पनि उहाँले जानकारी दिनुभयो । खाद्य कम्पनीले बिक्री गर्ने सामानमा खसीबोका, च्याङ्ग्राबाहेक घटीमा दुई हजार र बढीमा पाँच हजारसम्मका सामानको अर्डर गर्न पाइने व्यवस्था गरेको छ ।साल्ट ट्रेडिङ कर्पोरेसन लिमिटेडका महाप्रबन्धक उर्मिला श्रेष्ठले नुनमा दुई रुपियाँ र चिनीमा पाँच रुपियाँ र अन्य सामानमा छुट दिने व्यवस्था गरेको जानकारी गराउनुभयो । कर्पोरेसनले उपत्यकामा तीनवटा मोबाइल भ्यानसहित ११ स्थानमा र उपत्यकाबाहिर २४ स्थान गरी ३५ स्थानबाट यी सामानको छुट दिने जानकारी दिनुभयो ।
उद्योग, वाणिज्य तथा आपूर्ति मन्त्रालयका अनुसार यसपटक काठमाडाँै उपत्यकामा कर्पोरेसनका ११ स्थान, खाद्य कम्पनीका पाँच स्थान र दुग्ध विकास संस्थानका तीन गरी १९ स्थानमा सहुलिय मूल्य पसल सञ्चालन गरिने छ भने उपत्यकाबाहिर कर्पोरेसन र खाद्य कम्पनीका २४÷२४ स्थानमा गरी ६८ स्थानमा सहुलियत पसल सञ्चालन गरिने सो मन्त्रालयले जनाएको छ । सहुलियत पसल आउँदो मङ्सिर ६ सम्म सञ्चालन गरिने छ ।गोरखापत्र
यो खबर पढेर तपाईलाई कस्तो महसुस भयो ?
