दिल्लीको होटलमा बसेर क्यानडा र अमेरिकामा मानव तस्करी 
अनलाइन जुवा खेलाएर काभ्रेका अनिलले गरे दुई अर्बको कारोबार 
मुख्यमन्त्री सोडारीले विश्वासको मत लिन सुदूरपश्चिमको प्रदेश सभा बैठक आव्हान 
अफगानिस्तानमा बाढीबाट ३१५ भन्दा बढीको मृत्यु 
सुँगुरको मिर्गौला प्रत्यारोपण गरिएका रिचर्डको निधन फेदीखोलामा कृषि एम्बुलेन्स , गाउँको उत्पादन गाउँमै
स्याङ्जा- कोभिड १९ को दोश्रो महामारीले निम्त्याएको निषेधाज्ञाको कारण कृषकले उत्पादन गरेको तरकारीलाई कुहिन नदिन र बजार व्यवस्थापन गर्न फेदीखोला गाउँपालिकाले कृषि एम्बुलेन्स सञ्चालनमा ल्याएको छ ।
कृषि उपजको बजार मुल्यमा एकरुपता कायम गर्दै घरगाउँको उत्पादन गाउँघरकै उपभोक्तालाई बिक्री गर्ने अभियानले बिषादीरहित तरकारी खान पाएकोमा उपभोक्ता हर्षित बनेका छन् । यस्तै बिचौलीयाको मारमा परेका कृषकसमेत उत्साहित भएका छन् ।
खेतबारीमा पुगेर कृषकलाई उचित मुल्य दिने र उपभोक्तालाई सहुलियत दरमा तरकारी बिक्री गर्न पालिकाले षर्केटारी कृषि उपज सहकारीसँग समन्वय गरेको छ ।
कृषि एकबुलेन्सले कृषक र उपभोक्ताको दुरी नजिक बनाएको छ भने बिचौलियाको समस्या अन्त्य भएको छ । आयात प्रतिस्थापन गर्दै घरगाउँको उत्पादन गाउँघरकै उपभोक्तालाई बिक्री गर्ने अभियानले बिषादी रहीत स्वस्थ र ताजा तरकारी उपभोग गर्न पाएकोमा उपभोक्ता हर्षित बनेका छन् ।
कृषकको उत्पादनलाई मध्येनजर गर्दै पालिकाले २५ जातका तरकारीमा न्युनतम समर्थन मुल्य तोकेको छ । उत्पादित बस्तु बिक्री गरेबापत कृषकलाई उत्पादनमा आधारित १५ प्रतिशत आर्थिक अनुदानसमेत पालिकाले प्रदान गर्ने गरेको गाउँपालिका अध्यक्ष घनश्याम सुवेदीले बताउनुभयो ।
कृषि एम्बुलेनस सञ्चालन भएसँगै गाउँगाउँमा उत्पादन भएका तरकारी तथा फलफूलले बजार पाएको छ भने उपभोक्ताले समेत चर्को मुल्य तिर्न परेको छैन । राम्रो मुल्य पाएका यहाँका कृषकले कृषि क्षेत्रलाई निरन्तरता दिने विश्वास समेत लिइएको छ ।।
यो खबर पढेर तपाईलाई कस्तो महसुस भयो ?
