दिल्लीको होटलमा बसेर क्यानडा र अमेरिकामा मानव तस्करी 
अनलाइन जुवा खेलाएर काभ्रेका अनिलले गरे दुई अर्बको कारोबार 
मुख्यमन्त्री सोडारीले विश्वासको मत लिन सुदूरपश्चिमको प्रदेश सभा बैठक आव्हान 
अफगानिस्तानमा बाढीबाट ३१५ भन्दा बढीको मृत्यु 
सुँगुरको मिर्गौला प्रत्यारोपण गरिएका रिचर्डको निधन लालबन्दीबाट गत वर्ष दुई अर्बको तरकारी निकासी
सर्लाही: सर्लाहीको लालबन्दीमा रहेको कृषि थोक बजार व्यवस्थापन समितिले आर्थिक वर्ष २०७७/०७८ मा रु. दुई अर्ब २४ करोड ३४ लाख ३३ हजारको तरकारी निकासी गरेको छ।
लालबन्दी नगरपालिका–७ मा रहेको कृषि थोक बजार व्यावस्थापन समितिले वि.सं. २०७७ साउन १ देखि वि.सं. २०७८ को असार मसान्तसम्ममा रु. तीन करोड ९० लाख ७६ हजार ९६१ किलो तरकारी निकासी गर्दा रु. दुई अर्ब २४ करोड ३४ लाख ३३ हजारको रकम सङ्कलन गरेको हो।
साथै आव २०७७/०७८ को अन्तिम महिना असारमा २९ लाख ५६ हजार २०० किलो तरकारी निकासी गर्दा रु. नौ करोड एक लाख ४० हजार ४५० बराबरको तरकारी निकासी गरिएको बजार व्यवस्थापन समितिका व्यावस्थापक शम्भु घिमिरेले जानकारी दिए।
जिल्लाको लालबन्दी, हरिवन, हरिपुर र ईश्वरपुर नगरपालिका क्षेत्रमा किसानले उत्पादन गरेका टमाटर, परबर, बोडी, सिमी, भाण्टा, करेलालगायतका तरकारी लालबन्दीको तरकारी बजारमा आउने गरेको छ।
देशका सिन्धुली, रामेछाप, काठमाडौँ, पोखरा, बुटवल, भैरहवा, नारायणगढ, नेपालगञ्ज, हेटौँडा, वीरगञ्ज, गौर, जनकपुर, सिरहा, विराटनगर, इटहरीका साथै छिमेकी देश भारतको सोनवर्षा तथा सितामाडीलगायतका स्थानमा लालबन्दीबाट तरकारी निकासी हुने गरेको छ।
त्यसमध्ये टमाटर ५० प्रतिशत, पर्वल २५ प्रतिशत, बोडी १० प्रतिशत, सिमी १० प्रतिशत र अन्य तरकारी पाँच प्रतिशत गरी कूल रु. तीन करोड ९० लाख ७६ हजार ९६१ किलो तरकारी लालबन्दीबाट निकासी भएको छ।
यो खबर पढेर तपाईलाई कस्तो महसुस भयो ?
