ओखलढुङ्गामा आकाशे पानीका भरमा रोपाइँ

ओखलढुङ्गा: आकाशे पानीको भर पर्नुपर्ने जिल्लाका अधिकांश किसानले यस वर्षको धान रोपाइँ ढिला सकाएका छन्। मूल फुट्नेगरी समयमै पानी नपरेको र सिँचाइको सुविधा नभएका स्थानमा साउनको अन्तसम्ममा आकाशे पानी सङ्कलन गरेर रोपाइँ गरिएको हो ।

जिल्लामा कूल चार हजार ४०३ हेक्टर जमिनमा धानखेती हुने गरेको छ। कृषि ज्ञान केन्द्रका अनुसार यो वर्ष समयमै पानी नपर्नु र सबैतिर सिँचाइको सुविधा नहुँदा रोपाइँमा ढिलाइ भएको हो। ढिलो गरी रोपिएको धानबाट सोचेजस्तो उब्जनी नहुने केन्द्रका बाली विज्ञान संरक्षण अधिकृत गणेश अधिकारी खत्रीको भनाइ छ ।

धेरै धान रोपाइँ सिद्धिचरण नगरपालिकामा २१ प्रतिशत (९३२ हेक्टर) जमिनमा भएको छ भने सबैभन्दा कम खिजीदेम्बा गाउँपालिकामा चार दशमलव२९ प्रतिशत(१८९ हेक्टर) जमिनमा भएको छ। चिसङ्खुगढी गाउँपालिकाको ६८८ हेक्टर, मानेभञ्ज्याङको ३८६, मोलुङको ५९६, सुनकोशीको ५०८, चम्पादेवीको ५३८ र लिखुको ५६६ हेक्टर जमिनमा रोपाइँ भएको छ । रासस

लेखक

कृषि सूचना

यो खबर पढेर तपाईलाई कस्तो महसुस भयो ?

खुसी

0 0 %

दुःख

0 0 %

उत्साहीत

0 0 %

निन्द्रा लाग्यो

0 0 %

रिस उठ्यो

0 0 %

अचम्म

0 0 %

सम्बन्धित खबर:

टारी खेतबाहेक तनहुँमा अधिकांश खेतमा रोपाइँ ताप्लेजुङमा ४५ प्रतिशत रोपाइँ कोभिडका कारण साङ्केतिक रूपमा धान दिवस तथा रोपाइँ महोत्सव मनाइने स्यालो ट्युबेलको पानीबाट ५ सय बिघा रोपाइँ