दिल्लीको होटलमा बसेर क्यानडा र अमेरिकामा मानव तस्करी 
अनलाइन जुवा खेलाएर काभ्रेका अनिलले गरे दुई अर्बको कारोबार 
मुख्यमन्त्री सोडारीले विश्वासको मत लिन सुदूरपश्चिमको प्रदेश सभा बैठक आव्हान 
अफगानिस्तानमा बाढीबाट ३१५ भन्दा बढीको मृत्यु 
सुँगुरको मिर्गौला प्रत्यारोपण गरिएका रिचर्डको निधन परम्परागत खेती र रुख बिरुवाले भरिएको जमिनमा व्यावसायिक केरा खेती
म्याग्दी : परम्परागत खेती र रुख बिरुवाले भरिएको म्याग्दीको रघुगंगा गाउँपालिका–२ राखु भगवतीको जमिनमा पछिल्लो समय व्यावसायिक रुपमा केरा, फलफूल र तरकारी खेती विस्तार भएको छ ।
वर्षौंदेखि मकै कोदो बालीसँगै रुख बिरुवाले भरिएको पुर्खाको १२ रोपनी जग्गामा रघुगंगा गाउँपालिका–२ रिसिन चौतारीका युवा रमेशबहादुर कटुवालले व्यावसायिक केरा खेती गरेका छन् । आरम्भ कृषि तथा पशु फार्मबाट सुरु गरिएको व्यावसायिक केरा खेतीलाई मुख्य पेशासँगै एक हजार केराका बिरुवा लगाएको कटुवालले बताए ।
उनको फर्ममा व्यावसायिक रुपमा बाइस नङ्ग्रे, मालढुंगे, ध्रुसे, चिनीलगायतका प्रजातिका केरा खेती गरेका छन् । उत्पादन गरेको केरा बिक्रीका लागि सदरमुकाम बेनी, पर्यटकीयस्थल घोरेपानी, मल्लाजलगायतको क्षेत्रका व्यवसायी आउने गरेको कृषक रमेशबहादुर कटुवालले बताए । ४ वर्षदेखि सुरु गरेको केरा खेतीबाट आगामी वर्षमा ३ देखि ४ लाख रुपैयाँ आम्दानी गर्ने लक्ष्य रहेको उनले बताए । “अन्नबालीलाई जस्तो धेरै मेहनत र श्रम खर्च गर्नु नपर्ने र आम्दानी पनि छिटो हुने भएकाले अनुकूल हावापानी र सडकसँगै बजार सुविधाले ४ वर्षदेखि केरा खेती विस्तारमा लागेको छु” उनले भने ।
पूर्खौंदेखि केराखेती हुन्छ भन्ने प्रमाणित भएको रिसिनचौतारीलाई वडाले केराको पकेट क्षेत्र घोषणा गरेसँगै राममन्दिर, माझखर्क र रिसिन चौतारीका बासिन्दाले गाउँभरी खेरा खेती विस्तार गरेका छन् । एक जना कृषकले एक सयदेखि पाँच सय वटा केराका बिरुवा रोपेका छन् ।
कृषकको आयआर्जन वृद्धि र जिवनस्तर सुधारका लागि राममन्दिरलाई केरा खेतीको पकेट क्षेत्रको रुपमा विकास गर्न लागिएको रघुगंगा गाउँपालिका–२ भगवतिका वडा अध्यक्ष रिम कटुवालले बताए । “सबै गाउँमा पछिल्लो सडक सञ्जाल जोडिएको छ” उनले भने, “मेहनत गरेर उत्पादन गरिएको केरा बिक्रीको लागि बजारको समस्या छैन ।”
यो खबर पढेर तपाईलाई कस्तो महसुस भयो ?
