दिल्लीको होटलमा बसेर क्यानडा र अमेरिकामा मानव तस्करी 
अनलाइन जुवा खेलाएर काभ्रेका अनिलले गरे दुई अर्बको कारोबार 
मुख्यमन्त्री सोडारीले विश्वासको मत लिन सुदूरपश्चिमको प्रदेश सभा बैठक आव्हान 
अफगानिस्तानमा बाढीबाट ३१५ भन्दा बढीको मृत्यु 
सुँगुरको मिर्गौला प्रत्यारोपण गरिएका रिचर्डको निधन पूर्वी पहाडमा अलैंचीको मूल्य प्रति मन ४५ हजार पुग्यो
इलाम : कोरोना महामारीका कारण गत वर्ष नेपाली अलैंची भारत हुँदै तेस्रो मुलुक निर्यात हुन सकेको थिएन । तर यस पटक भने दशै शुरु भएसँगै अलैंचीको मूल्य निरन्तर उकालो लागेको छ ।
गत वर्ष अलैंचीको खपत हुने देशहरू कोरोना महामारीले प्रभावित हुँदा त्यसको असर नेपाली अलैंचीमा परेको थियो । तर यस वर्ष पनि गत वर्ष जस्तै मूल्य नपाइने डरले धेरै कृषकले यसअघि नै अलैची बिक्री गरिसकेका भएपनि मुल्य भने निरन्तर उकालो लागिरहेको छ ।
गत वर्ष घटेर अलैँचीको मूल्य २० हजार रुपैयाँ प्रतिमन पुगेपनि यस वर्ष ४५ हजार रुपैयाँमा किनबेच भइरहेको छ । अलैँचीको मूल्य राम्रो पाएपछि कृषकसमेत खुशी भएका छन् ।
नेपालमा उत्पादित अलैंचीको मूख्य बजार भारत हो । तर नेपाल र भारत दुवै देशमा अलैंचीको उत्पादन बढेपछि यसको मूल्यमा गिरावट आउने क्रम बढेको ब्यापारीको भनाइ छ ।
गत वर्ष इलाममा अलैचीमा ढुसीजन्य रोग, डढुवा र प्रतिकुल मौसमका कारण अलैची उत्पादन कम भए पनि अहिले क्रमीक सुधार भइरहेको कृषि ज्ञान केन्द्रले जनाएको छ ।
इलाममा गएको वर्ष १६ सय हेक्टर जग्गामा ५ लाख ७६ हजार मेट्रिक टन अलैँची उत्पादन भएको सरकारी तथ्याङ्क छ । जिल्लामा अहिले रामसाई, गोलसाई, डम्बरसाई, जिर्मले र भार्लाङ्गे जातका अलैैँची खेती हुँदै आएको छ । -ईमेज खबर
यो खबर पढेर तपाईलाई कस्तो महसुस भयो ?
