आजको मौसम: पहाडी भू–भागका एकदुई स्थानमा बदली, अन्य ठाउँमा सफा रहने
काठमाडौँ: देशका पहाडी भू–भागमा आज (सोमबार) आंशिकदेखि सामान्य बदली भई बाँकी भू–भागमा सामान्यतया मौसम सफा रहने छ ।
जल तथा मौसम पूर्वानुमान महाशाखाका अनुसार पहाडी भू–भागका एक–दुई स्थानहरूमा हल्का वर्षाको सम्भावना रहेको छ। यस्तै, उच्च पहाडी तथा हिमाली भू–भागका एक वा दुई स्थानहरूमा हल्का हिमपातको सम्भावना रहेको छ ।
आज राति पहाडी भू–भागमा आंशिक बदली रहने र बाँकी भू–भागको मौसम सामान्यतया सफा रहने पूर्वानुमान मौसमविद्ले गरेका छन्। ति प्रदेश १, गण्डकी र कर्णालीका थोरै स्थानहरूमा हल्का वर्षाको सम्भावना रहेको छ भने उच्च पहाडी तथा हिमाली भू–भागका एक वा दुई स्थानहरूमा हल्का हिमपातको सम्भावना रहेको छ ।
हाल नेपालमा उल्लेखनीय मौसम प्रणाली नरहेको महाशाखाले जनाएको छ। देशका पहाडी भू–भागका केही स्थानमा हल्का वर्षाको साथै उच्च पहाडी तथा हिमाली भू–भागका केही स्थानहरूमा हल्का हिमपातको समेत सम्भावना रहेकोले सामान्य सतर्कता अपनाउन मौसमविद्ले आग्रह गरेका छन् ।