रौतहटमा ४ लाख मूल्य बराबरको एकदर्जन सुँगुर चोरी, खोजि कार्य जारि 
रवि लामिछानेको बचाउमा ओली, कांग्रेसले छुद्र राजनीति गर्यो 
स्रोत नखुलेको ९८ लाखसहित काठमाडौंबाट दुई जना पक्राउ 
एउटा यस्तो विषालु भ्यागुता, जसको मुल्य नै पर्छ ३ लाख, जान्नुहाेस् 
भोलि र पर्सि बालबालिकालाई भिटामिन ए खुवाइदै वर्षापछि तरकारीको मूल्य तेब्बरले वृद्धि
कञ्चनपुर : कञ्चनपुरमा चाडपर्वकै मुखमै जिल्लामा तरकारीको मूल्य अस्वाभाविक रुपमा बढेको छ । निरन्तरको वर्षापछि तरकारीको मूल्य दोब्बरदेखि तेब्बरले बढेको हो । तरकारीको मूल्य एक साताको अवधिमै २० देखि ८० प्रतिशतले बढेको छ ।
मूल्य बढेसँगै उपभोक्ता मार्कामा परेका छन् । सबै भन्दा बढी दैनिक मजदुरी गरेर जीविका चलाउने वर्ग बढी मारमा परेका छन् । बाढीका कारण किसानले लगाएको तरकारी बगाएको र डुबान पारेर नोक्सानी गरेका कारण तरकारीको मूल्यमा वृद्धि भएको व्यवसायीको भनाइ छ ।
व्यवसायीका अनुसार हाल बजारमा ३० प्रति किलोका दरले बिक्री हुने सेतो आलु ५०, ३५ मा बिक्री हुने रातो आलु ६०, ६० मा बिक्री हुँदै आएको पहाडी आलु ८० मा खुद्रा मूल्यमा बिक्री भइरहेको छ ।
यसैगरी, ८० मा बिक्री हुँदै आएको प्याज १०० देखि १२०, गोलभेँडा ठूलो ८० बाट १२०, फर्सी ६० बाट १००, लौका ५० बाट ९०, बोडी ६० बाट १२०, काउली ६० बाट ९० प्रति किलोका दरले बिक्री भइरहेको छ। भ्यान्टा ६० बाट १२०, मिसला मिर्च १२० बाट २००, काँक्रा ६० बाट १०० र हरियो साग ५० बाट १२० प्रति किलोका दरले बिक्री भइरहेको छ ।
चाडपर्वका बेला तरकारीको मूल्य आकासिए पनि स्थानीय प्रशासनले अनुगमन नगर्दा पनि तरकारीको मूल्य अकासिएको बताइएको छ ।
यो खबर पढेर तपाईलाई कस्तो महसुस भयो ?
