दिल्लीको होटलमा बसेर क्यानडा र अमेरिकामा मानव तस्करी 
अनलाइन जुवा खेलाएर काभ्रेका अनिलले गरे दुई अर्बको कारोबार 
मुख्यमन्त्री सोडारीले विश्वासको मत लिन सुदूरपश्चिमको प्रदेश सभा बैठक आव्हान 
अफगानिस्तानमा बाढीबाट ३१५ भन्दा बढीको मृत्यु 
सुँगुरको मिर्गौला प्रत्यारोपण गरिएका रिचर्डको निधन किवी खेतीप्रति किसानको आकर्षण बढ्दै
सल्यान : पछिल्लो समय सल्यानमा किवी खेतीप्रति किसानको आकर्षण बढ्दै गएको छ ।
बाँझो हुँदै गएको जग्गामा राम्रो उत्पादन हुन थालेपछि किवी खेतीप्रति किसानको आकर्षण बढ्दै गएको हो । रोपेको एक वर्षमै नै उत्पादन दिने भएकाले पनि किसानहरू व्यावसायिक किवी खेतीतर्फ आकर्षित भएका हुन् ।
अन्य अन्नबाली भन्दा झन्डै तीन गुणाभन्दा बढी प्रतिफल किवीबाट लिन सकिने छत्रेश्वरी गाउँपालिका २ बुराँसेका चित्र बहादुर केसीले बताउनुभयो । यो वर्ष मात्र २० क्विन्टल किवी बिक्री गरेको उहाँले बताउनुभयो । व्यापारीले बोटबाट नै प्रतिकिलो १ सय ५० रुपैयाँका दरले खरिद गरेको उहाँको भनाई छ ।
गाउँलेहरूमा बिस्तारै व्यावसायिक कृषिको सोच विकास भएको उहाँले बताउनुभयो ।
यस्तै बुराँसेकै तेज बहादुर योगी पनि झन्डै चार रोपनी बढीमा किवी खेती गर्दै आउनुभएको छ । सल्यानमै पहिलो पटक व्यावसायिक किवी खेती सुरु गर्नुभएका योगीले किवीबाट वार्षिक ३ देखि ४ लाख आम्दानी गर्नुहुन्छ । कोरोना महामारीका कारण दुई वर्ष बजारीकरणमा समस्या भए पनि यो वर्ष भने समयमै किवी बिक्री भएको उहाँले बताउनुभयो ।
किवी खेतीका लागि सल्यानको हावापानी र भूगोल मिलेकाले जिल्लामा किवी खेतीको राम्रो सम्भावना रहेको कृषि विकास कार्यालय सल्यानले जनाएको छ ।
किवी खेतीलाई प्रवर्द्धन गर्न किवी पकेट क्षेत्र निर्धारण गरी काम अघि बढाई रहेको कृषि विकास कार्यालय सल्यानका सूचना अधिकारी रेशम कुमार बस्नेतले जानकारी दिनुभयो । उहाँका अनुसार जिल्लामा अहिले १६ हेक्टर क्षेत्रफलमा व्यावसायिक किवी खेती हुँदै आइरहेको छ ।
यो खबर पढेर तपाईलाई कस्तो महसुस भयो ?
