कृषि प्रधान देश नेपाल जहाँ पाँच वर्षमा साढे दुई खर्बको चामल,मकै र गहुँ आयात

काठमाडौं : मुलुकमा खाद्यान्नको परनिर्भरता बर्सेनि बढ्दै गएको छ । स्थानीय उत्पादनले माग धान्न नसक्दा आयातमा परनिर्भरता बढ्दै गएको हो ।

व्यापार प्रवर्द्धन तथा निकासी केन्द्रको तथ्याङ्कअनुसार पछिल्लो पाँच वर्षमा मुलुकमा दुई खर्ब ५१ अर्ब १२ करोड रुपियाँको खाद्यान्न (चामल, मकै र गहुँ) आयात भएको हो ।

पाँच वर्षको अवधिमा सबैभन्दा धेरै एक खर्ब ५० अर्ब ९७ करोड रुपियाँको चामल आयात भएको हो। यस्तै, सो अवधिमा ६६ अर्ब २५ करोड रुपियाँको मकै र ३३ अर्ब ९० करोड रुपियाँको गहुँ आयात भएको केन्द्रको तथ्याङ्कमा उल्लेख छ ।

विभागका वरिष्ठ तथ्याङ्क अधिकृत कृष्णराज बजगाईंले वैदेशिक रोजगारीले कृषिमा जनशक्ति अभाव, खेतीयोग्य जमिन घडेरीमा प्रयोग हुनु र उपभोग्य वस्तुको खपत बढ्दै जाँदा आयातमा वृद्धि भएको बताए।

केन्द्रको तथ्याङ्कअनुसार आर्थिक वर्ष २०७७/०७८ मा ५० अर्ब ७९ करोड रुपियाँबराबरको १३ लाख ३४ हजार तीन सय ३१ मेट्रिक टन चामल आयात भएको छ।याे खबर आजको गोरखापत्र दैनिकमा छ ।

लेखक

कृषि सूचना

यो खबर पढेर तपाईलाई कस्तो महसुस भयो ?

खुसी

0 0 %

दुःख

0 0 %

उत्साहीत

0 0 %

निन्द्रा लाग्यो

0 0 %

रिस उठ्यो

0 0 %

अचम्म

0 0 %

सम्बन्धित खबर:

तीन महिनामा रु तीन अर्बभन्दा धेरैको फलफूल आयात, केरामा मात्रै १६ करोड बाहिरियो कृषिप्रधान देशका जनताले १० महिनामा आयात गरेर खाए ६४ अर्बभन्दा बढीको खाद्यन्न नौ महिनामा ६० अर्बको खाद्यान्न आयात,पन्ध्र अर्बको मकै पहिलो तीन महिनामा काँकरभिट्टा नाकाबाट कृषिजन्य वस्तुको आयात निर्यातभन्दा दुई गुणा बढी