दिल्लीको होटलमा बसेर क्यानडा र अमेरिकामा मानव तस्करी 
अनलाइन जुवा खेलाएर काभ्रेका अनिलले गरे दुई अर्बको कारोबार 
मुख्यमन्त्री सोडारीले विश्वासको मत लिन सुदूरपश्चिमको प्रदेश सभा बैठक आव्हान 
अफगानिस्तानमा बाढीबाट ३१५ भन्दा बढीको मृत्यु 
सुँगुरको मिर्गौला प्रत्यारोपण गरिएका रिचर्डको निधन युवालाई स्वदेशमै स्वरोजगार बनाउने उद्देश्यले बाख्रा स्रोत केन्द्र सञ्चालन
दैलेख : युवालाई स्वदेशमै स्वरोजगार बनाउने उद्देश्यले भगवती गाउँपालिकाले बाख्रा स्रोत केन्द्र स्थापना गरेको छ । गाउँपालिका र प्रदेश सरकारको लगानीमा बाख्रा स्रोत केन्द्र निर्माण गरी व्यावसायिक बाख्रापालन गरिरहेको छ ।
गाउँपालिकाका अध्यक्ष दानबहादुर थापाले युवालाई स्वदेशमै रोजगारी लगाउने उद्देश्यले गाउँपालिकाले बाख्रा स्रोत केन्द्र निर्माण गरी व्यावसायिक बाख्रापालन गरिरहेको बताउनुभयो । उहाँले बाख्रा स्रोत केन्द्रमा एक जना पशु प्राविधिकसहित तीन जनालाई रोजगारीसमेत दिएको जानकारी दिनुभयो । उहाँले हावापानी पनि राम्रो भएका कारण पशुपालन र कृषिमा बढी जोड दिएर गाउँपालिकावासीको आयआर्जनमा टेवा पु-याइरहेको बताउनुभयो ।
यो स्रोत केन्द्र र व्यावसायिक बाख्रापालनमा प्रदेश सरकारले जम्मा एक करोड १५ लाख रुपियाँ र गाउँपालिकाले ७५ लाख रुपियाँ लगानी गरेको छ । पशु अस्पताल तथा पशु सेवा कार्यालय दैलेखका प्रमुख भीमबहादुर विष्टले स्रोत केन्द्रले उत्पादन दिन थालेको जानकारी दिनुभयो ।
बाख्रा स्रोत केन्द्रका पशु प्राविधिक विमल थापाले बाख्रा स्रोत केन्द्रमा ११५ बाख्रा रहेको बताउनुभयो । यहाँ स्थानीय र बोयर जातका बाख्रा रहेका छन् । पहिलो चरणमा दुईवटा खोर निर्माण गरी ५०/५० वटा बाख्रा राखिएकामा अहिले ११५ वटा पुगेका छन् । गाउँपालिकाले खसी, बाख्रा वितरणका लागि आवश्यक रकमसमेत तोकेको हुँदा सोहिबामोजिम बिक्री गरिने उहाँको भनाइ छ । आजको गोरखापत्र दैनिकमा खबर छ ।
यो खबर पढेर तपाईलाई कस्तो महसुस भयो ?
