एउटा यस्तो विषालु भ्यागुता, जसको मुल्य नै पर्छ ३ लाख, जान्नुहाेस् 
भोलि र पर्सि बालबालिकालाई भिटामिन ए खुवाइदै 
खगराज अधिकारी गण्डकीको मुख्यमन्त्री नियुक्त 
सुनसरीमा दुवै पक्षबीच सहमति, कर्फ्यु खुकुलो हुदै 
स्टेफेनको शतकमा आयरल्याण्ड वोल्भ्सले नेपाल ए लाई दियो २८५ रनको लक्ष्य जालो बनाउने कीरा लाग्दा स्याउ फलेन, किसान चिन्तित
सिमकोट, यसपाली बारीमा लटरम्म फल्नु पर्ने स्याउ नफलेपछि किसानहरु चिन्तित हुनु भएको छ । स्याउँका बोटमा दाना लाग्ना लागेका बेला जालो बनाउने किरा (गबारो) लागेपछि स्याउ नफल्दा किसान चिन्तित भएका हुन ।
तीनसस पचार बोट स्याउ लगाउनु भएका सिमकोट गाउँपालिका वडा नम्बर ४ का अगुवा किसान जंगबहादुर शाहीले स्याउ राम्रो नफलेको बताउनुभयो । स्याउबाट राम्रो कमाई गर्नुहुने शाहीले अमिलो स्वादका स्याउ बाहेक अन्य बोटमा स्याउ दुई चार दाना मात्र फलेको देख्दा चिन्ता थपिएको बताउनुभयो । स्याउबाट वार्षिक पाँच देखि सात लाख कमाई गर्ने शाहीलाई यसपाली कमाई नहुने चिन्ता लागेको छ ।
यता सिमकोट गाउँपालिका वडा नम्बर ६ का शक्तिसिंह रावतले कुनै पनि बोट स्याउका दाना नलागेको र बोटमा कीरा मात्र देखिएको बताउनुभयो । स्याउबाट राम्रो कमाई गर्ने रावतले बोट हेर्दा पनि वाक्क लाग्न थालेको छ ।
फुल फुल्दा राम्रोसँग फुलेका बोट हेर्दा यसपाली स्याउ राम्रो फल्ने विश्वास लिनु भएका शाहीले अहिले खाली बोट हर्दा कीराले खत्तम पारेका भान हुन थालेको छ । गाउँपालिका र कृषि बिकास कार्यालयमा उपचारका लागि खबर गर्दा पनि कुनै सुनुवाई नभएको गुनासो उहाँले गर्नुभयो । यो पीडा हुम्लाका दुई प्रतिनिधि मात्रको मात्र नभएर सिंगो स्याउ किसानको रहेको छ ।
जिल्ला भरिका स्याउमा जालो लगाउने कीरा लागेको जिल्ला कृषि विकास कार्यालयमा प्रमुख चन्द्रभुषण झाले बताउनुभयो । जिल्ला भित्र स्थलगत रुपमा जाँदा पनि सबैतिर स्याउका बोटमा उक्त कीरा लागेको बताउँदै प्रमुख झाले उपचार पनि कठिन भएको बताउनुभयो ।
हुम्लामा ५४० हेक्टर जमिनमा स्याउ खेती गरिएको र त्यसमा रेड, गोल्डेन डेलिसिय, चक्लेटी, जोनाथन जातका स्याउका बोटहरु लगाइएको कार्यालयले जनाएको छ ।गोरखापत्र
यो खबर पढेर तपाईलाई कस्तो महसुस भयो ?
