दिल्लीको होटलमा बसेर क्यानडा र अमेरिकामा मानव तस्करी 
अनलाइन जुवा खेलाएर काभ्रेका अनिलले गरे दुई अर्बको कारोबार 
मुख्यमन्त्री सोडारीले विश्वासको मत लिन सुदूरपश्चिमको प्रदेश सभा बैठक आव्हान 
अफगानिस्तानमा बाढीबाट ३१५ भन्दा बढीको मृत्यु 
सुँगुरको मिर्गौला प्रत्यारोपण गरिएका रिचर्डको निधन मौरी घार बेचेर लाखौँ आम्दानी
प्रतीक शर्मा
सल्यान: मौरी घार बेचेरै कालीमाटी गाउँपालिका–१, लक्ष्मीपुरका बाल कुँवरले मनग्य आम्दानी गर्दैआउनुभएको छ । उहाँका अनुसार अघिल्लाे वर्ष ४९० घार बिक्री गरेरै उहाँले १७ लाख १५ हजार रुपियाँको कारोबार गर्नुभएको थियो ।
‘यो वर्ष छ सय घारको माग आएको छ’ कुवँरले भन्नुभयो, ‘एउटा घार तीन हजार पाँच सयका दरले बिक्री हुने गरेको छ ।’ यो वर्ष सल्यानमा माहुरी ब्लक कार्यक्रमले चार सय घारको माग गरेको स्थानीय मौरीपालक किसानहरूले पनि माग गरेका छन् । जसबाट २१ लाख रुपियाँभन्दा धेरैको कारोबार हुने अनुमान गरिएको छ ।
कोरोना भाइरसका कारण बन्दाबन्दी भएपनि मौरी घार निर्माणमा कुनै समस्या परेको छैन । मजदुरहरूलाई आफ्नै घरमा राखेकाले सङ्क्रमणको जोखिम नभएको बाल कुँवरको भनाइ छ ।
छ जनालाई रोजगारी
उद्योग सञ्चालक बाल कुवँरले मौरी घार बनाउन उद्यमले छ जनालाई रोजगारीसमेत मिलेको बताउनुभयो । उहाँका अनुसार छ जना मजदुरको पारिश्रमिक, घर खर्च, काठ किन्दाको खर्च गरी सबै कटाउँदा वार्षिक पाँचदेखि छ लाख रुपियाँसम्म बचत हुने गरेको छ ।
मौरी बस्ने घर मौरीघारको माग जाजरकोट, सुर्खेत र रुकुमबाट हुने गरेको छ । उहाँका अनुसार घार बनाउने व्यवसाय सञ्चालन गरेदेखि हालसम्मको अवधिमा १५ देखि २० लाख रुपियाँ आम्दानी हुने गरेको छ। घरपरिवारको पुरानो ऋण तिर्नुका साथै छोराछोरीको शिक्षादीक्षामा निकै सहयोग पुगेको छ ।
किसानहरू पछिल्लो समय मौरीपालन व्यवसायमा आकर्षित हुन थालेका छन् । सल्यानमा झन्डै तीन सयको हाराहारीमा किसानहरूले व्यावसायिक मौरीपालन गर्दैआइरहेको कार्यालयले जनाएको छ । जिल्ला कृषि विकास कार्यालय, सल्यानका प्रमुख महेश आचार्यले कालीमाटी गाउँपालिकाको वडा न १, २, ३ र ४ वडालाई समेटेर माहुरी ब्लक र कुमाख गाउँपालिकामा मौरी पकेट कार्यक्रम सञ्चालन भइरहेको छ । सल्यानमा वार्षिक १८ देखि १९ मेट्रिक्टन मह उत्पादन हुने गरेको छ ।गोरखापत्र अनलाइनमा खबर छ।
यो खबर पढेर तपाईलाई कस्तो महसुस भयो ?
