दिल्लीको होटलमा बसेर क्यानडा र अमेरिकामा मानव तस्करी 
अनलाइन जुवा खेलाएर काभ्रेका अनिलले गरे दुई अर्बको कारोबार 
मुख्यमन्त्री सोडारीले विश्वासको मत लिन सुदूरपश्चिमको प्रदेश सभा बैठक आव्हान 
अफगानिस्तानमा बाढीबाट ३१५ भन्दा बढीको मृत्यु 
सुँगुरको मिर्गौला प्रत्यारोपण गरिएका रिचर्डको निधन हिदीको पूर्ण प्राङ्गारिक तरकारी बेनीमा खोसाखोस
गलेश्वर। कृषि ज्ञान केन्द्रको बागवानी विकास अधिकृत पदबाट अवकाश लिई म्याग्दीको उच्च लेकाली क्षेत्रमा पर्ने हिदीमा व्यावसायिकरूपमा पूर्ण प्राङ्गारिक तरकारी खेतीमा लाग्नुभएका भोजबहादुर थापाले उत्पादन गरेको जैविक तरकारी बेनी बजारमा खोसाखोस हुन थालेको छ ।
उनको अगुवाइमा म्याग्दीको मङ्गला गाउँपालिका–२ हिदीमा रु एक करोड २० लाखको लगानीमा शुरु गरिएको प्राङ्गारिक तरकारी खेतीबाट उत्पादन शुरु भएपछि अहिले पूर्व बागवानी विकास अधिकृत थापालाई भ्याइनभ्याइ छ ।
लामो समयसम्म कृषि क्षेत्रमा सेवा गर्नुभएका थापासहित जिल्लाका १० व्यावसायी मिलेर समुद्री सतहबाट एक हजार ७०० देखि दुई हजार १०० मिटर उचाइमा अवस्थित हिदीमा १५३ रोपनी क्षेत्रफलमा तरकारी खेती शुरु गरिएको छ । उनीहरुले हिमचुली अग्र्यानिक फार्म दर्ता गरेर तरकारीका साथै मौरी र उन्नत जातको बाख्रापालन तथा किबी, ओखर र कागती खेती शुरु गरेका छन् । हिमचुली अग्र्यानिक फार्मद्वारा उत्पादित तरकारी सदरमुकाम बेनीबजार तथा आसपासका क्षेत्रमा अहिले बिक्री भइरहेको छ ।
उपभोक्तालाई स्वच्छ र स्वस्थकर प्राङ्गारिक तरकारी उपलब्ध गराउने लक्ष्य राखी तरकारी बिक्री शुरु गरेको फार्मका अध्यक्ष सन्तोष रावलले बताए । “छिट्टै आफ्नै डिपो राख्छौँ, उपभोक्ताको घरदैलोसम्म पुर्याउने योजना छ”, रावलले भने । डिपोबाट मागअनुसार घरमै पुर्याउने योजना छ । उनले कृषि खेतीमा अत्यधिक रासायनिक मल, विषादीको प्रयोगबाट उत्पादन भएको कृषि उपजले उपभोक्ताको स्वास्थ्यमा गम्भीर असर परिरहेको अवस्थामा कृषि क्षेत्रमा चार दशक अनुभव बटुलेका अधिकृतको समेत उपस्थितिमा शुद्ध प्राङ्गारिक खेती भइरहेको बताए ।
छोटो समयमा धेरै आम्दानी गर्ने योजनासमेत नबनाइएको बताउँदै प्राङ्गारिक तरकारीका लागि मल उद्योगको अवधारणाअनुसार अगाडि बढेको फार्मका सञ्चालक एवं प्रमुख प्राविधिक पूर्व बागवानी अधिकृत थापाले जानकारी दिए । कृषि ज्ञान केन्द्रबाट अवकाश लिएपछि थापा हिदीमै बसेर तरकारी खेतीमा सक्रिय छन् । हिदीको आलु र मुला प्रख्यात भएकाले फार्ममा आलु र मुलाको सिजनमा जिल्ला बाहिरसमेत पुर्याउने योजना रहेको थापाले बताए।
विषादीको प्रयोगलाई पूर्णरूपमा प्रतिबन्ध लगाइएकाले उच्च हिमाली हावापानीमा हुने तरकारी खेतीलाई प्राथमिकता दिएको उनको भनाइ छ । उनका अनुसार हाल बजारमा साग, मुला, काँक्रो, सिमीलगायतका उत्पादन पठाइएको र ती उत्पादनहरु बजारमा पुग्ने बित्तिकै बिक्री भइसक्ने गरेको जानकारी दिए ।
फार्ममा किबी, ओखर, कागती, मौरी, उन्नतजातको बाख्रापालन भइरहेकाले निकट भविष्यमा कालिज पालनको योजनासमेत रहेको उनले जानकारी दिए । रु एक करोड २० लाखको लगानीबाट शुरू भएको फार्ममा स्थानीयवासीले रोजगारसमेत पाएका छन् । फार्ममा १० जनाको लगानी रहेको छ भने म्याग्दी जिल्लाभित्र लगानी गर्न चाहनेलाई अवसरसमेत रहेको जनाइएको छ । रासस
यो खबर पढेर तपाईलाई कस्तो महसुस भयो ?
