दिल्लीको होटलमा बसेर क्यानडा र अमेरिकामा मानव तस्करी 
अनलाइन जुवा खेलाएर काभ्रेका अनिलले गरे दुई अर्बको कारोबार 
मुख्यमन्त्री सोडारीले विश्वासको मत लिन सुदूरपश्चिमको प्रदेश सभा बैठक आव्हान 
अफगानिस्तानमा बाढीबाट ३१५ भन्दा बढीको मृत्यु 
सुँगुरको मिर्गौला प्रत्यारोपण गरिएका रिचर्डको निधन नेपालीको मौलिक खाना ढिँडो र सिस्नु बनाउने तरिका
आवश्यक सामग्री :
सिस्नु – २ के.जी.
मकैको पीठो – १ के.जी.
नुन खुर्सानी – स्वाद अनुसार
टिम्मुर – १५ ग्राम (पिसेको)
लसुन ठूलो – १ पोटी पिसेको
सिस्नुको लागि मकैको पिठो – ३० ग्राम
पानी – २.५ लिटर
ज्वानो – २ चिम्टी
बनाउने तरिका :
– कराहीमा पानी राखेर चुल्होमा बसाउने । उम्लिएपछि सिस्नु त्यसैमा राखेर छोपिदिने ।
– पाकेपछि टिम्मुर, पिठो, लसुन र नुन राखेर फिर्केले फिटेर लेदो बनाउने ।
– फ्राईप्यानमा घ्यु तताउने । ज्वानो पड्काएर झानिदिने र झिकेर वाटामा खन्याएर राख्ने ।
– बाक्लो कराहीमा ढिँडोको पानी बसाउने । ठूलो चम्चाको एक चम्चा पिठो राखिदिने यसले पानीको सतह ढाक्छ । पानीको वाफ उड्न नपाएपछि पानी छिटो उम्लिन्छ र इन्धनको पनि बचावट हुन्छ ।
– पानी उम्लिएपछि आँच घटाई पिठो अलि अलि राख्दै चलाउँदै जाने । पिठो सकिएपछि करिब दश मिनेट बाक्लो पन्युले मस्काई रहने ।
जब कराहीमा मांम्री बस्न थाल्छ । तब ढिँडो पाकेको मानिन्छ । ढिँडो प्लेटमा पस्कने । सिस्नु कचौरामा लिने र ढिँडो चोप्दै हरियो खुर्सानी टोक्दै खानु पर्दछ ।
– सिस्नु नेपालको दूर्गम गाउँको लोकप्रिय तरकारी हो । यस्तो खाना ज्यादै पौष्टिक र ग्यास्टिक तथा सुगर हुनेहरूको लागि ज्यादै उपयोगी हुनुको साथै यसले मोटोपन कन्ट्रोल गर्न मद्दत गर्दछ ।
(आजकल बजारमा सिस्नुको पाउडर पाइन्छ । सबै ठाउँमा ताजा सिस्नु पाउन सकिँदैन ।)
‘सजिलो कुकिङ’ पुस्तकबाट
यो खबर पढेर तपाईलाई कस्तो महसुस भयो ?
