दिल्लीको होटलमा बसेर क्यानडा र अमेरिकामा मानव तस्करी 
अनलाइन जुवा खेलाएर काभ्रेका अनिलले गरे दुई अर्बको कारोबार 
मुख्यमन्त्री सोडारीले विश्वासको मत लिन सुदूरपश्चिमको प्रदेश सभा बैठक आव्हान 
अफगानिस्तानमा बाढीबाट ३१५ भन्दा बढीको मृत्यु 
सुँगुरको मिर्गौला प्रत्यारोपण गरिएका रिचर्डको निधन किसानलाई ५० प्रतिशत अनुदानमा गहुँको बिउ वितरण
वीरगन्ज : वीरगन्ज महागनगपालिकाले महानगरक्षेत्र भित्रका किसानलाई ५० प्रतिशत अनुदानमा गहुँको बिउ वितरण सुरु गरेको छ ।
महानगरपालिका क्षेत्र भित्रका किसानहरुलाइ उन्नत जातको गहुँको बिउ आजबाट वितरण गर्न सुरु गरेको हो । महानगरका कृषकहरुलाई कृषि उत्पादनमा प्रोत्साहन गरी उत्पादकत्व बढाउनका महानगरपालिकाले अनुदानमा गहुँको विऊ वितरण थालेको वीरगन्ज महानगरपालिकाका प्रमुख विजय सरावगीले बताए । महानगरपालिकाभित्र खेती योग्य जमिनमा गहुँबाली लगाउन कृषकलाई सहुलियत होस भन्ने उद्देश्यले ४० टन भन्दा बढी गहुँको बिउ वितरण गर्ने योजना रहेको नगर प्रमुख सरावगीले बताए ।
वीरगन्ज महानगरपालिकाले पहिलो चरणमा एनएल ९७१ जातको गहुँ किसानलाई वितरण गरेको र यसपछि विजय जातको गहुँ वितरण गरिने महानगरपालिकाको कृषि शाखा प्रमुख उर्मिला श्रेष्ठले जानकारी दिइन् । श्रेष्ठका अनुसार अहिले महानगरपालिकामा अगुवा जातको गहुँको बिउ वितरण सुरु गरिएको छ । यसपछि पनि समय बाँकी रहेमा एनएल ९७१ नै वितरण गरिने नभए गहुँको पछुवा जात विजय वितरण गरिने योजना रहेको श्रेष्ठले बताइन् ।
अधिकांश ग्रामीण क्षेत्रलाई गाभेपछि बनेको महानगरपालिका भित्र ८ हजार हेक्टर भन्दा बढी क्षेत्रफल खेतीयोग्य जमिन रहेको छ । खेती योग्य जमिन महानगरपालिका क्षेत्रमा भएकोले पनि किसानलाई सहुलियतमा कृषि उपजका बिउबिजन उपलब्ध गराएर उत्पादनलाई प्रोत्साहन गर्ने उत्पादकत्व बढाई महानगरपालिकालाई खाद्यान्नमा आत्मनिर्भर बनाउन सहज हुने महानगर प्रमुख सरावगीको भनाइ छ ।
यो खबर पढेर तपाईलाई कस्तो महसुस भयो ?
