अब असार १ देखि आइतबारको सार्वजनिक विदा खारेज
२३ जेठ, काठमाडौं । सरकारले आइतबार पनि दिँदै आएको साप्ताहिक विदा हटाएको छ । सोमबार बसेको मन्त्रिपरिषद बैठकले असार १ देखि आइतबार साप्ताहिक विदा नदिने निर्णय गरेको अर्थमन्त्री जनार्दन शर्माले जानकारी दिए ।
परीक्षणका लागि हप्तामा दुई दिन बिदा दिने निर्णय गरेको सरकारले कार्यालय समय पनि बढाएको थियो । कार्यालय समय जेठ १ देखि बिहान साढे ९ बजेदेखि साढे ५ बजेसम्म तय गरिएको थियो । आइतबार पनि सार्वजनिक बिदा लागु हुनेगरी वैशाख १३ गते सरकारले निर्णय गरेको थियो।
अब असार १ देखि शनिबार मात्र सार्वजनिक विदा हुने भएको छ ।