दिल्लीको होटलमा बसेर क्यानडा र अमेरिकामा मानव तस्करी 
अनलाइन जुवा खेलाएर काभ्रेका अनिलले गरे दुई अर्बको कारोबार 
मुख्यमन्त्री सोडारीले विश्वासको मत लिन सुदूरपश्चिमको प्रदेश सभा बैठक आव्हान 
अफगानिस्तानमा बाढीबाट ३१५ भन्दा बढीको मृत्यु 
सुँगुरको मिर्गौला प्रत्यारोपण गरिएका रिचर्डको निधन कर्णालीमा स्याउको बिमा बढ्यो
जुम्ला , स्याउको बिमा गर्ने किसानको संख्या बढ्दै गएको छ । कृषकहरु व्यवसायिक स्याउ खेतीमा आकर्षित भएसँगै स्याउका बिरुवामा बिमा बढेको हो । कर्णालीका हिमाली जिल्लामा सरकारले स्याउलगायत कृषिजन्य सामग्रीमा निर्जीवन बिमा कार्यक्रम लागू गरेको छ । थोरै लगानीमा धेरै रकम प्राप्त हुने भएपछि किसान बिमातर्फ आकर्षित भएका हुन् । जिल्ला कृषि विकास कार्यालयका अनुसार जुम्ला, मुगु र कालिकोटमा स्याउ बिमा कार्यक्रम लागू छ ।
यसवर्ष जुम्लामा ९ सय किसानले ५० हजार, मुगुमा तीन सय किसानले १९ हजार र कालिकोटमा तीन सय कृषकले २६ हजार स्याउका बिरुवाको बिमा गरेको बिमा कम्पनीको तथ्यांक छ ।
जुम्लाको पतारासी गाउँपालिकामा सबैभन्दा बढी किसानले स्याउका बिरुवाको बिमा गरेका छन् । बिमाका फाइदाबारे सचेतना बढ्दै गएपछि पछिल्लो समय किसानको संख्या बढिरहेको बिमा सहजकर्ता लक्षिराम महतले बताए । उनका अनुसार थोरै लगानीमा धेरै प्रतिफल पाइने भएपछि बिमामा सबैको आकर्षण बढिरहेको छ ।
लकडाउका कारणले धेरै किसान आफ्नो बगैचामा रहेका स्याउको बिमा गर्नबाट वञ्चित रहेको शिखर इन्स्योरेन्सका क्षेत्रीय प्रवन्धक ऋषिराम पाण्डेले बताए । किसानले सम्पर्क गरे पनि लकडाउनमा बैंक नखुल्दा र मानिसहरु एक ठाउँबाट अर्को ठाउँमा जान नपाउँदा बिमा कार्यक्रम रोकिएको उनले जानकारी दिए । कम्पनीका अनुसार एकजना किसानले एकदेखि सात सय बिरुवासम्मको बिमा गरेका छन् । निर्जीवन बिमा कार्यक्रममा सरकारले ७५ र बिमितले २५ प्रतिशत रकम भुक्तानी गर्ने व्यवस्था गरिएको छ ।कान्तिपुर
यो खबर पढेर तपाईलाई कस्तो महसुस भयो ?
