दिल्लीको होटलमा बसेर क्यानडा र अमेरिकामा मानव तस्करी 
अनलाइन जुवा खेलाएर काभ्रेका अनिलले गरे दुई अर्बको कारोबार 
मुख्यमन्त्री सोडारीले विश्वासको मत लिन सुदूरपश्चिमको प्रदेश सभा बैठक आव्हान 
अफगानिस्तानमा बाढीबाट ३१५ भन्दा बढीको मृत्यु 
सुँगुरको मिर्गौला प्रत्यारोपण गरिएका रिचर्डको निधन पहाडी जिल्लामा पनि भेटिए सलह, नियन्त्रण योजना बनाउन कृषि मन्त्रिसहित विज्ञ समूहको बैठक बस्दै
काठमाडौं: तत्काललाई संकट टर्यो भनिएको बालीनाशक सलह कीरा शनिबार भारतबाट नेपाल प्रवेश गरेपछि यसको नियन्त्रण गर्ने सम्बन्धमा आज विज्ञहरुको बैठक बस्दैछ ।
यसअघि सलह नेपाल प्रवेश नै नगरी कृषि मन्त्रालयले नेपाल प्रवेश गरे यसको सवाधान कसरी गर्ने भन्ने सम्बन्धमा अध्ययन कार्यदल गठन गरेको थियो । सोही कार्यदलले यसको अनुशन्धान गर्ने भनिएतापनि आज कृषिमन्त्री घनश्याम भुसालको अध्यक्षतामा विज्ञ सहितको सम्मेलित टोलीको बैठक बसिरहेको बताइएको छ ।
नेपालमा सर्बप्रथम शनिबार (हिजो) भारतको सीमावर्ती ३ जिल्लाहरु बारा, पर्सा र सर्लाहीमा प्रवेश गरेको हो । यसअघि भारतमा सलह कीरा ठूलो समुहमा भित्रिए पनि नेपालमा यसको प्रवेश तत्काललाइ टरेको बताइएको थियो । तर शनिबार भारतीय भूमि हुँदै उक्त कीरा बाराको डुमरवाना, पर्साको पर्सागढी र सर्लाहीको नलवपुर लगायतका क्षेत्रमा प्रवेश गरेको केन्द्रले जनाएको थियो ।
त्यस्तैगरी आज आइतबार बिहानसम्ममा पाल्पा, मकवानपुर, सिन्धुली लगायतका पहाडी जिल्लामा पनि सलह किरा देखिएको छ । पूर्वदेखि पश्चिम बहिरहेको हावा पछिल्लो केही दिनयता दक्षिण देखि उत्तरतर्फ बहेकाले भातरमा आएका सलहको झुण्ड तिरबिर भएर नेपाल प्रवेश गरेको विज्ञहरुको भनाइ छ । शनिबारबाट मात्रै नेपाल प्रवेश गरेको सलहले नेपालमा के कति क्षति पुर्यायो भन्नेबारेमा मन्त्रालयसँग कुनै तथ्याङ्क भने रहेको छैन् ।
६० वर्ष पहिला काठमाडौं उपत्यकामा सलह भेटिएको जानकारहरु बताउछन् । तर त्यो समयमा पाइएका भन्दा अहिले भारतबाट प्रवेश गरेको सलह २० गुण ठूलो रहेको छ । फट्याङ्ग्रा प्रजातीमा पर्ने सलह एक बालीनाशक कीरा हो । सलह कीराले बिरुवाका पात, फल, बिरुवाको हाँगा खाएर बोट नै सखाप पार्ने गर्दछ ।
सलहको हुलले एक दिनमा १५० किलोमिटरको दूरी पार गर्ने क्षमता राख्ने विज्ञहरु बताउँछन् । यीनीहरु करोडौंको संख्यामा हुल बजनाएर जता हावा वहन्छ त्यतै उड्ने कीरा हुन् ।
भारत हुँदै बारा र सर्लाहीबाट नेपाल प्रवेश गरेको सलह किराको झुण्ड छरिएर मुलुकका विभिन्न स्थानमा पुगिसकेको अनुमान गरिएको छ । आइतबार बिहानसम्ममा पाल्पा, मकवानपुर, सिन्धुली लगायतका पहाडी जिल्लामा पनि सलह किरा देखिएको छ ।
यसअघि कृषि मन्त्रालयले गठन गरेको प्राविधिक समितिले तत्कालका लागि नेपालमा सलहको जोखिम टरेको निष्कर्ष निकालेको विवरण २३ जेठमा सार्वजनिक भएको थियो । पाकिस्तान हुँदै भारत प्रवेश गरेको सलहको ठूलो झुण्ड राजस्थानमा पुगेपछि तितरवितर भएको रिपोर्टमा भनिएको थियो ।
बथान छुटेको र नेपालमा मनसुनका कारण हावाको बेगमा आएको परिवर्तनले नेपालमा सलहको जोखिम अत्यन्त न्यून रहेको समितिको निष्कर्ष थियो । तर, रिपोर्ट सार्वजनिक भएको २० दिनपछि नेपालमा सलह किरा भेटिएको हो ।
नेपालमा यस किराले कति क्षति पुर्यायो भन्ने विवरण सार्वजनिक भइसकेको छैन । नेपालमा ६० वर्ष अघि सन् १९६० मा पनि काठमाडौं उपत्यकामा सलह किरा देखिएको थियो ।
सलह:
के हो सलह किरा ? नेपालका यसको प्रकोपको सम्भावना
यो खबर पढेर तपाईलाई कस्तो महसुस भयो ?
