दिल्लीको होटलमा बसेर क्यानडा र अमेरिकामा मानव तस्करी 
अनलाइन जुवा खेलाएर काभ्रेका अनिलले गरे दुई अर्बको कारोबार 
मुख्यमन्त्री सोडारीले विश्वासको मत लिन सुदूरपश्चिमको प्रदेश सभा बैठक आव्हान 
अफगानिस्तानमा बाढीबाट ३१५ भन्दा बढीको मृत्यु 
सुँगुरको मिर्गौला प्रत्यारोपण गरिएका रिचर्डको निधन कृषि मल तथा अनुदानमा भएको भ्रष्टाचारको छानविन गर्न माग
विभिन्न वटा चार किसान संगठनले कृषि मल तथा अनुदानमा भइरहेको भ्रष्टाचारको छानविन गर्न माग गरेका छन् ।
आइतबार अखिल नेपाल किसान महासंघ (अप्पो), अखिल नेपाल किसान महासंघ (क्रान्तिकारी), अखिल नेपाल किसान यूनियन र अखिल नेपाल प्रगतिशील किसान संघको भर्जुअल बैठकपछि विज्ञप्ति जारी गर्दै सो माग गरेका हुन् । उनीहरुले कृषि मल तथा अनुदानमा भइरहेको ठूलो भ्रष्टाचारको छानबिन गर्न, भ्रष्टाचारीलाई कारबाही गर्न किसानलाई सुलभ तरीकाले समयमै गुणस्तरीय मलखाद उपलब्ध गराउन र उत्पादन बढाउन माग गरेका छन् ।
समयमा मलखान उपलब्ध नगराउँदा उत्पादनमा हुन जाने क्षतिको किसानलाई पूर्ति गर्न माग गर्दै विज्ञप्तिमा बाढी पहिरोमा परेर नेपाली किसानको ठूलो जनधनको क्षति पुग्न गएकोले पीडित परिवारलाई पर्याप्त राहत प्रदान गर्न र किसानलाई जोखिमपूर्ण स्थानबाट स्थानान्तरण गरी सुरक्षित बसोबासको व्यवस्था मिलाउन र किसनाहरुलाई वर्षेनी आउने बाढी पहिरोबाट जोगाउन ठोस कार्ययोजना ल्याउन भनिएको छ ।
विदेशमा अलपत्र किसानका छोराछोरीलाई बिनाशर्त र बिनाभेदभाव सुरक्षित स्वदेश फिर्ता ल्याउन तथा क्वारेण्टाइनमा राखेर निसंक्रमित भएपछि घर पठाउन पनि माग गर्दै कोभिड–१९ र बाढी पहिरोलगायत प्राकृतिक विपत्ति तथा किसानको खेतबारीमा तत्काल परेको समस्या समाधानका लागि पनि माग गरेको छ ।
यो खबर पढेर तपाईलाई कस्तो महसुस भयो ?
