कुखुराको मासुको मूल्य घट्यो
काठमाडौं । कुखुराको मासुको मूल्य घट्न थालेको छ ।
बजारमा कुखुराको मासुको खपत घटेसँगै मूल्य पनि घट्न थालेको हो ।
एक महिना अघि प्रतिकिलो ४ सय ५० रुपैयाँ रहेको मासुको मूल्य हाल प्रतिकिलो ३३० देखि ३४० रुपैयाँ पुगेको छ ।
राष्ट्रिय कुखुरा बिक्री व्यवसायी संघ नेपालका अध्यक्ष जंगबहादुर बिसीले हाल कुखुराको मासुको मूल्य घटेको बताए । कोरोना संक्रमण दिनप्रतिदिन बढ्दा मासुको खपत घट्दै गएको र मूल्य पनि घटेको उनले जानकारी दिए । उनका अनुसार सामान्यतया दैनिक ३ लाखदेखि साढे ३ लाख किलो मासु खपत हुने उपत्यकामा हाल ८० देखि ९० हजार किलोमात्रै खपत भइरहेको छ ।
निषेधाज्ञाका कारण मासु पसल बिहान १० बजेसम्म खुला गर्न दिईएको छ । यस कारणपनि मासुको खपत कम भइरहेको व्यवसायीहरु बताउँछन् ।