४ सय ग्राम गाँजा सहित नुवाकोटका २ जना पक्राउ
काठमाडौं । तारकेश्वर नगरपालिका-३ तिनपिप्ले चेक पोष्टबाट अवैध लागूऔषध गाँजा करिब ४ सय ग्रामसहित २ जनालाई मंगलबार दिउँसो प्रहरीले पक्राउ गरेको छ ।
पक्राउ पर्नेहरूमा नुवाकोट घर भई काठमाडौं म्हेपी बस्ने २३ वर्षीय बुद्धिमान तामाङ र २३ वर्षीय साम्देन सेरचन रहेका छन् ।
उक्त स्थानमा खटिएको प्रहरीले बा.प्र.०२-०२९ प ४०४९ नम्बरको स्कुटरलाई जाँच गर्ने क्रममा स्कुटरमा सवार उनीहरूलाई उक्त गाँजासहित पक्राउ गरेको हो ।